MEGHINN

Kumba ngi lah iohi ia ka jingtrei shitom Jong u President ka HSPDP bah Pangniang ban wanrah lane ban ialam noh ia ki ar ngut ki MLA ba dang Shah jied na ka ktem shna Sorkar ka NPP lem bad ka BJP da ka jingthmu ban shna sorkar sha ba don ki Seng Riewlum. Namar lah dep ban iohi ia ka jingshukor Jong ka BJP bad NPP ha ki por ba la dep bad mynta ka kynti ka don ka jingdawa u paidbah ban ioh CM da u Khasi. Bad hangne ka lah ban long hadien ka jingtrei shitom u President ka HSPDP ban phah weng ia ka jingkyrshan shna sorkar ia ka NPP lyngba ka shithi kaba u phah myn ka 3 tarik March 2023. Shuh shuh ka jingjop bun ka UDP khamtam ba ka dei ka Seng rilum ba buntam ki MLA ka don bha ia ka kabu ba tikna ban ioh ia u CM da u Khasi. Lehse ngin hap ban ia khleh bad u Garo hynrei ym sngewpher tang ban lait na ka NPP kaba ju treilang bad ka BJP naduh ka jylla haduh ka ing dorbar thawain ka Ri (Lok Sabha)

U MDC ka Mawlai Constituency u Bah Teibor Pathaw u dei u briew uba la iarap bun ki paidbah khamtam kiba sah ha Mawlai bad u da pynioh kam ia shibun ngut ki samla ha ki tnad security. Nalor kata ha kine ki khyndiat sngi bad bnai u la lah ban wanrah shibun ki work order sha kylleng ki shnong Jong ka Mawlai kiba kot da ki klur, ki surok da ki klur, ki skul ki ing Dorbar u la lah ban wanrah shibun ki jingmyntoi ha ka Constituency. Shuh shuh u Teibor Pathaw u la lah ruh wat ban pyshna ia ki lynti synkien, ki Jaka saitjaiñ paidbah ki jaka jngohkai paidbah bad kiwei kiwei. Ka jinglah ban thungkam Jong u ia ki samla da ki spah ngut na Mawlai ha ki kam security bad ruh u la lah ban kyrshan ia kiba bun ki longing baduk. Hynrei haba phai pat sha ka election MLA utei u MDC ka Mawlai u lah rem kput da kaba Shah tam haduh 14 hajar na u Kyrtong VPP uba lehse u dei u Kyrtong ba dang thymmai bad nalor kata ka Seng thymmai. Ka jing shet ki paidbah ia u Pathaw ka dei ba ki paidbah ki kyntait ia ka party