MEGHINN

Bun na ki samla kim sngewthuh bha ia ka Reservation Policy bad ia ka Roster System khamtam ki Rangbah ki Longkmie kim shemphang satia bad bun na ki Paidbah ha kane ka Ri Khasi jongngi ka dang long thymmai eh kane ka mat. Wat ki Nongmihkhmat kiba  ngi la jied ia ki don bun bha kim pat sngewthuh bha ia kane ka mat kaba kongsan bha ha kane ka juk namar ka Pyrthei ka la shai bad bun ki ba la nang la stad bad ruh ym don shuh kiwei pat ki kam kiba iadei bad u Paidbah ban dang lah ban buhrieh ha kane ka juk mynta. Kumba ngi la iohi ba u Bahdeng Dohtdong u Youtuber ba paw ka Ri Khasi-Jaintia jongngi u la poi sha ka jaka shah jingit jong u bah Ardent na ka bynta ban Pynthymmai noh ia ka Reservation Policy katkum ka jing dawa jong ka por bad ka jing bun paid. U Bahdeng Dohtdong u la pynpaw ruh ha ki lad pathai khubor ba ka jingwan ka jong u ka long ba u kyrshan ia ka Nongrim kaba u Bah Ardent u la shah jingit bad u la pynpaw ruh kumno ha ka jylla jong ngi don lai tylli ki ADC ne ki District Coun