MEGHINN

Kumba ngi lah iohi ia ka sohsat ba lah nang syrdoh bha ha ka Kam khappud kaba lah sah naduh ba la ioh ia ka jylla lajong kat haduh kine ki sngi kaba ki paidbah nongshongshnong ha ki thaiñ khappud Ter Ter naduh ka shatei bad ka thaiñ shathie. Ka jingkulmar bad ka Jing sngap jar ka Sorkar halor katei Kam ka long ka bym lah shuh ban pdiang. Hynrei kumba ngi lah iohi pat ia ka jingkam ka Seng HNLC ia ka jingleit pynbthei bomb ha ki jaka sor ha ki khyndiat taiew ka pyni ia ka dak ba ka Seng ka dang im bad khlain. Hynrei sngewsih ba ka leit Jia ha sor kaba dei ka jaka suk jaka saiñ kaba ki paidbah kim khmih lynti satia. Hynrei Lada ka Jia kumne pat ki paidbah kim shaniah shuh ia ka Seng namar teng teng ka long markhongpong ia ka jaidbynriew. Lada phai Sha ki Kam khappud katno ki paradoh para snam ki lynniar wat la don kiba lah duh ia ka mynsiem briew ha kti ki riew bynman ba na kawei pat ka jaidbynriew kaba lah Jia ha u 2015 kaba haduh 4 ngut ki Khasi bapli ha Langpih ki lah khlad Noh na ka

Naduh ba mih ka jingjia shah siat Jong uwei na ki surrender ka Seng kieng atiar ka Hynniewtrep Liberation National Council ha ki Bor Pulit khlem ki daw ba biang ka lah mih ka jingiatylli Jong ka thaiñ mawlai bad kaba pynlong ia baroh ki 24 shnong kiba don ha Mawlai ba kin mih paidbah ban dawa ia ka bishar bahok halor katei ka jingjia. Shibun ki sengbhalang ki Pynrem jur ia ka Sorkar halor katei ka jingjia bad Jan baroh ki sengbhalang bad baroh ki samla ka bri u hynniewtrep ki bynniaw halor ka jingjia kaba sngewsih kaba na ka Liang ki Pulit ki Shu bthat jubor ia ka jingim briew khlem Da tih bniah ia ka daw tynrai. Ka jingmih paidbah ha ka 15 Tarik u August Jong ki nong Mawlai ha ryngkat ka Lama iong ka dei ka dak ka jingiatylli bad ka jingtuid kiba leit sngewlem Sha katei ka jaka ka long Da ki phew Hajar. Shuh shuh ym tang ha sor Shillong, ka jingia sngewlem bad ka jingpynrem na kylleng ka thaiñ ka ri Khasi pyrshah ia ki pulit kiba donkti ha katei ka Kam. Ka jingdawa tohkit bahok bad ka