Na ka Constituency ieid jaidbynriew bun eh ki mynderi, Shah Kem ki samla Khasi
Editorial Lyngkot : Ka jingshah Kem ki samla ki dkhot ka KSU na thain Shella ha ki Pulit ka long kaei kaba pyn lyngngoh namar haba Shah phniap u Khasi ka tnad Pulit kam patiaw bad haba Shah pyniap ki dkhar Shah kynnoh bad sted ka jing talasi ia u Khasi bad Kem syndon. Kane ka Jia ha ka jaka ba Synshar ki riew ieid ri kata ki nongmihkhmat ki dei kiba arsap kiba kam ieid ri bad ha kaba kjatduh ki iatreilang bad ka BJP lyngba ka NPP ha ka rynsan Jong ka MDA. Ka jaka ba jyllei eh ki mynderi ka Shella Constituency haduh ba ka jing roi bad ka jing bunpaid Jong ki ka long ba ki la nud ban leh baheh ha ri Khasi Jong ngi. Nalor kata ki dei ki nong kyrshan ba radbah Jong ka party UDP naduh ki shnong bapher bapher Kum ka Dalia, kalatek, Ichamati, Umkhabaw, Umsaw bad kiwei kiwei ki bym lah niew shuh. Namar kata u paid u la dei ban sngewthuh noh ba ki nongialam Jong ki brew kiba shim kaba ha ka kyrteng ka jaidbynriew ki dei tang ki ba ieid shimet kiba purkhat tang ialade marwei.