MEGHINN

Artikel lyngkot  Dang ha ki khyndiat sngi ngi iohi ia ka rai rangbah Jong ka shnong Laitkor da kaba kyndang naphang ia ki bar Jylla ba wan leh kam business ha kane ka shnong hadien ba la ai por kulluid ia ki. Na ka 6 bnai ba la ai por lyngba ka jingrai ka jong ki ha Dorbar ka shnong ha kine ki taiew ba la dep ka la hiar sha man la ki jaka Jong ka shnong Laitkor lumheh ban khynra naphang ia ki dukan, ki nongtrei bad wat ia kiba bylla sngi ruh katei ka shnong kam Shah shuh halor ki kyndon bad ruh khamtam ia kiba leh BENEMI. Ka jingleh katei ka shnong ka long Kum shi bynta ban pyni nuksa khamtam ia kiwei pat ki shnong kiba ju ailad ia ki mynder namar ka jingrung laitlan ki mynder kaba khatduh kadei ba ai lad ka bor shnong. Lada ka bor shnong ka khlaiñ yn nym don ka jing Shah ktah ha ka kam khaii pateng khamtam ia ki mynder kiba wan trei sha kine ki jaka bad ruh bunsien ki shnong hapoh sor Shillong dei ba ki ai ia ka NOC bad ruh ki ai ia ka Residential certificate kaba pynskhem pynban ia

Artikel lyngkot Ha ka por ialap election ba la long ha Jaintia ha kaba uwei u briew bym kwah pynpaw kyrteng u la kam ialade ba Lada Jia ba rem ka NPP ha kane ka MP election 2024 yn pynkylla noh ia ka kyrteng Jong u. Kane ka la Jia ki u bnai ba la dep, ki bnai ialap election ha kaba ka jingkubur bad ka jingkren ka long beit ba ka NPP ka la jop lypa wat haduh ba u la nud ban kular kumtei. Bad na ka Liang ki paidbah kumba ki la iohsngew bad don ruh ka video ha Youtube lehse kin da wad ban tip mano uta bad ruh hangne ngin nym lah satia ban pynpaw ia ka kyrteng Jong u. Bad kaba sah mynta ka long ba ki paidbah kin ap dngong lano une u briew un pyn kylla iakata ka kyrteng Jong u kaba u la nud ban kular haduh katta ba yn leh noh ia ka kam. Kane ka jingkren biej Jong ki ba buaid ha ka politics ka la Jia teng ruh mynshwa ba uwei  u MLA uba la rai ban suicide Lada Jia ba ka Aiñ CAA ka iaid shakhmat.