Ka Bor ki nong Mawlai

Naduh ba mih ka jingjia shah siat Jong uwei na ki surrender ka Seng kieng atiar ka Hynniewtrep Liberation National Council ha ki Bor Pulit khlem ki daw ba biang ka lah mih ka jingiatylli Jong ka thaiñ mawlai bad kaba pynlong ia baroh ki 24 shnong kiba don ha Mawlai ba kin mih paidbah ban dawa ia ka bishar bahok halor katei ka jingjia.

Shibun ki sengbhalang ki Pynrem jur ia ka Sorkar halor katei ka jingjia bad Jan baroh ki sengbhalang bad baroh ki samla ka bri u hynniewtrep ki bynniaw halor ka jingjia kaba sngewsih kaba na ka Liang ki Pulit ki Shu bthat jubor ia ka jingim briew khlem Da tih bniah ia ka daw tynrai.

Ka jingmih paidbah ha ka 15 Tarik u August Jong ki nong Mawlai ha ryngkat ka Lama iong ka dei ka dak ka jingiatylli bad ka jingtuid kiba leit sngewlem Sha katei ka jaka ka long Da ki phew Hajar.

Shuh shuh ym tang ha sor Shillong, ka jingia sngewlem bad ka jingpynrem na kylleng ka thaiñ ka ri Khasi pyrshah ia ki pulit kiba donkti ha katei ka Kam. Ka jingdawa tohkit bahok bad ka jingdawa ban Kem ia ki pulit donkti ka lah mih na ka Sur kiba bun balang khnang ba Kan long ka jingsneng ia kino kino kiba Leh ia ka Kam khlem ki nongrim kiba biang.

Ka jing iakawang ktieh ha surok bad ha ki lad Pathai khubor ka lah pynkhihwin Ruh ia ka Sorkar MDA bad ka Jing Kynthoh na ka Liang pyrshah ka long kaba shyrkhei ba wat ia uba don ha ka jylli Sorkar Ruh u dang nud ban beiñ ia ka jingbiej treikam ka tnad pulit.

Ka jingtieng ban rung Sha Mawlai ki Pulit naduh katei kasngi ba don ka jingjia kadei kawei na ka jingiatylli Jong ki nong Mawlai kiba lah Maham bad byrngem tyngeh ia kaei kaba lah Jia bad shibun ki Pulit kiba lah mynsaw haba ia pynibor bad ki pulit bad wat ki CRPF Ruh ka Sorkar ka hap kynriah.

Ha ka tei ka jingjia ka jingpynjari curfew bad ka jingkhang ia ka internet ka dei na kadaw ba ki samla nong Mawlai Kim lah shah ban Shu sngap khlem Da pyni la ka Jong ka Bor ba ki don namar Lada Shu shah ka long ka kabu ia ki riew shim kabu kiba bat ia ka aiñ ha kti.

Ka jingdon ka Mawlai Town Dorbar kadei kawei na ki borbah ka Jing iatylli kaba ki nong Mawlai ki pyni Sha kiwei ki bynta ka thaiñ ba ki don ka Jing iatylli. Bad dei namar kata ka daw Lada ka jaidbynriew ka ia tylli ki mat dawa kiba khlain ban iada ia ka jaidbynriew yn ym slem ba kin urlong hynrei Lada para Khasi ngi ia paid bad iapra ka long pynban ka jingtim ia ka jaidbynriew. Bad to ngin kynmaw barabor ba ka jingiatylli hi ka long ka Bor.