Lada ym don u Tynsong lah khylliap ka Sorkar u Conrad

Ka Sorkar Meghalaya ha ka jingialam ka NPP lyngba u Conrad K Sangma Kum u Myntri Rangbah ka long kaba donbok shisha namar ka don ia u Bah Prestone Tynsong uba dei ruh u Deputy Chief minister ka jylla uba la long uwei napdeng ki nongmihkhmat ba la kham rim napdeng ki MLA kiba don ha ka Sorkar.

U Prestone Tynsong u ba dei u MLA ka Pynursla constituency la saw sien kynthih bad napdeng Jong ki MLA ba don hapoh ka Sorkar u la long u ba la kham rim bad shemphang ha ban ianujor bad ki ( most experience). Ym tang ba u dei u ba la kham rim hynrei u briew uba Shai ka ktien ka thylliej ban pynshai paidbah IA Kat ki kam kiba u la leh.

Ha kine ki sngi Bala dep na ka liang ki paidbah bad khamtam IA ki nongthoh kotkhubor kiba la iohi la kijong ki khmat ba u dei u briew u ba trei shitom bha bad u long u bym ju pep wat Tang shisngi ruh naduh ka lockdown kaba nyngkong ba la pynbna da ka Sorkar pdeng ha kaba iadei bad ka jingpur u khniang Coronavirus ne u Covid19 hapoh ka jylla kaba u Myntri Rangbah ka jylla u la buh syndon IA U Bah Prestone Tynsong ba un long u ba hakhmat duh u nongialam ka bynta ban iakhun IA une u khniang jingpang ba shyrkhei ha ka pyrthei baroh kawei.

Ka jingtrei shitom Jong u bah Prestone Tynsong ka lah paw Shai Sha ka pyrthei ba u dei uba treishitom na ka bynta ki paidbah bad bun kiba Ong ba Lada ym don u Tynsong ka Sorkar ka la khylliap Noh namar ki MLA Jong ka Sorkar bad wat ki Cabinet minister don bun ki ba dang khynnah ba wat Tang ban kren dorbar ki dang long kiba lehrain bad wat IA ka jingmut Jong ki kyntien phareng teng teng bun ba Kim sngewthuh bha bad Kane ka la pynlong bad pyrkhat ba lehse kata ka jinglong jong ki nongmihkhmat ka lah ruh ban ktah IA ki paidbah ha hadien, hynrei  lyngbau Bah Prestone Tynsong u ba ju btin lynti IA kine ki Myntri ba kin lah ban shakri Kum ba dei ka rukom khnang ban lait na ka shah kynthoh bad bunsien IA ki kam ba kham shyrkhei na ka liang ka Cabinet ka ju ai bad tynrong ha u Tynsong ba un long u nongialam namar ka jingtbit ka Jong u ban pyniaid IA ki kam Sorkar ka la pynlong IA u ban ioh jinhshaniah na ki ba bun ki MLA khamtam na u Myntri Rangbah ka jylla.

Lyngba ka jingtrei shitom jog u don bun ki diengpynkiang kiba ma u hap ban iaid lynti khnang ba ki paidbah kin lait na ka jingjynjar bad jingshitom u lah wan shakhmat wat ha ka jingbunkam u dang don por ba pyllait na ka bynta ki interview khah khah. Hynrei lynba kata ka jjngpyrkhat jylliew ka Jong u kaba ha kine ki bnai ym ju shong ing shuh bad u ju trei beit na ka bynta ka koit ka khiah ki nongshong shnong.