Paw ka jing bakla treikam ki party riewlum.

Na ka Liang ki paidbah Jong ka ri Khasi Jaintia katno ki dap da ka jingsarong haba dang iohi ba kita ki Seng riewlum ne ki party riewlum (regional party) ki kiba dang don wat hapdeng ka Jing saphriang bad khlainbor Jong ki party ba nabar ki dang don ban pyrkhat IA u paid lajong hapoh ka bri u hynniewtrep lyngba ka jingjied nongmihkhmat Sha ing dorbar thawain Jong ka jylla jongngi. Wat la ki duna paid hapoh ka ing dorbar thawaiñ hynrei Kat haduh Kane ka kynti ki Seng party riewlum (regional party) ki don ha ka bor kaba heh.

Hynrei kaba la bakla palat hangne ka long ba kita ki Seng riewlum kiba don lang bad ka Sorkar ha ryngkat ka bor Jong ki ba hadien ba ki la jop elekshon lah iohi ba ki pyngkheiñ shibun ki aiñ ka jaitbynriew bad Kum kata ka regional party.

Hato phi tip kiei kita? 

Da ki phew snem hadien ba la ioh IA ka Jong ka jylla ka ri Khasi Jaintia bad ka jylla baroh kawei ka dei ka jylla ka bym skhem satia ka Nongrim Jong ki nongshong shnong bad ka shu long ba ka jylla jongngi ka shu pynbiang malu mala ha ki Kot ki sla ban iakren IA kita ki jingeh kiba ki paidbah ki IA kynduh man la ka sngi.

Kumba la Ong haneng ba ki party riewlum(regional party,) hapoh ka jylla ki don ha ka bor ba khlain hynrei ka jingeh Jong ka jaitbynriew kumba la mih paw ha kotkhubor man ka sngi IA kata ka jingeh Jing ki paid riewlum Khasi Jaintia (Regional issue) Jong ngi kiba ngi IA kynduh man ka sngi. Hynrei Kum ki Seng party riewlum (Regional party) kim don jingbahkhlieh satia IA kita ki regional issue kiba mut ki jingeh Jong ka jaitbynriew bad Lada kine ki party riewlum ne regional party Kim lah ban pynbeit IA ka jingeh ki riewlum lane regional issue kam myntoi ba kin dang iakhun lane ialeh elekshon ka bha ban IA pynpaw beit ba ka dei namar ka pisa.

Ka Sorkar kaba mynta ka lah ban leh eiei na ka bynta ka jaitbynriew hato peit ma phi kita ki Seng riewlum pat Kim kwah khih met satia kumno kan iaid shakhmat haba ka regional kam lah bahkhlieh kmno ka national party lei kan lah. 

Ha u snem ba la dep ki jingjia ba khyllah ki la wan tap ha ka ri Khasi Jong ngi lyngba ka jingpyntreikam IA ka CAA bad ka jingleh sting IA ka ILP bad ka jingsah kut bun tylli ki bill ka KHADC ha ka Sorkar, u pud u Sam, bad kiwei pat. Hynrei wat la jia haduh katta ruh wat mut ba kita ki Seng riewlum kin pyrkhat thymmai na ka bynta ka jingeh kiba haduh kine ki sngi Kim long satia ka jingshai IA ka jaitbynriew. Kane ka Pyni IA ka Jing bym shymphang kita ki dkhot ki Seng riewlum haba ki iasaid hapoh ingdorbar. Ka jingbym proh jabieng bad ka jingbym don kata ka jingbahkhlieh na ka bnta ka RI kumba ki la ieng na ka sneg ka Jong ki.

Hynrei donbok ba kiei ki jingleh jong ka Sorkar ban pynhun IA u paidbah Kat haduh kine ki khyllipmat kadei beit lyngba ka jingkhlaiñ ban tuklar na ka sur ki Samla Khasi kiba ieng khlem kynran dien bad ka ba la pynurlong IA ki jingiakhih pyrshah CAA, dawa ILP, bad kiwei kiba ktah mationg IA ka bri jongngi.

To pyrkhat ma phi kita ki Party riewlum ne Regional party kaba ka manifesto ka Jong ki ka dei beit IA ka regional issue lane IA ka jaidbybriew hynrei peit ma phi ki leh au wat haba ki sngew ba ka ingtrep ka la shah hiar thma hynrei Kim kwah ban shna thymmai imat ki ap ba kan pluh syndon kata ka ingtrep barit jongngi.