2 klur ai u Mukul ia Ka Rock On 2, Aiu don Ka Sorkar mynta ia ki phlim Khasi

Kat nang mih ki sngi nang kiew ki Phlim Khasi Jaintia ki jongngi lyngba Ka jingtreishitom ki nong pynmih Phlim bad ki kynrem ki lyngdan kiba pynbiang pynkop ia Ka Phlim Jong Ka ri Khasi Jaintia Ka jongngi bad ruh lyngba Ka Jing ai mynsiem kiba bun Ka la pynkiew arsut shajrong bad wat ban kamai ja tang na Ka Kam Phlim ruh ki la sdang ban ia don katto katne Hala Ka jingtreishitom Ka Jong ki.

Ngim lah ban klet katkum Ka RTI ha u 2016 ba la Shem ba Ka Sorkar ba la ialam da u Dr Mukul Sangma Ka pynlut 2 klur tam na Ka bynta Ka Phlim dkhar Kaba kyrteng Ka Rock On na Ka bynta Ka Jingbit jingbiang katei Ka Phlim Kaba la wan ring dur ha kane ka jylla jongngi katta ha Laitlum bad Mawlynnong.

Haoid ngi sngewsarong hynrei Ka long shilliang khmat pat ia ki trai ri trai muluk kiba Shem jynjar ban pynbit pynbiang ia Ka Phlim ha Ka rukom Ka badei namar Ka jingduna pisa bad ruh ban Shu shaniah tang ha Ka Kam ak Phlim ruh Kam lah satia ban long, namar ki jingduna bad Ka jingshah ieh khunswet ha Ka sorkar khlem da Don ba iarap bad hynrei ki don shibun pat kiba la treishitom bad Ka long Kaba seisoh pat ia ki watla Ka sorkar Kam lah ban iarap bad katno leilei lad Ka sorkar Ka iarap.

Phin peit ha Ka jylla jongngi Ki karkhana Shna Phlim ki la sdang bha ban kiew wat shaduh sha bar ri ruh don kiba iaid iew bad don shibun ki jingrwai Phlim kiba la kot da ki phew lak ki nongpeit Kaba pyni ia kata Ka sap bad Ka jingkiew Jong ki ha Ka Kam ring dur bad katno tam leilei Lada ki ioh SA Ka lad jingiarap na Ka sorkar kumba Ka leh ia ki phlim nongwei shisngi Kan Jin da la kiew mynta Lada Ka mang tyngka kyrpang na Ka bynta ki nongshna Phlim ki ioh naduh mynshwa.

Shuh shuh ban peit ha u snem Bala dep don shibun bapli ki tynshop bad Puron kiba la Shu bylla sngi Noh tang na Ka daw ba Ka rit palat Ka dor ak Phlim bad ngim lah ban kynnoh ia ki nongshna hynrei ba Duna ki lad jingiarap Ka ktah ruh wat haduh Ka ing Ka sem namar Ka sorkar Kam shimkhia iala u paid u raiot.

Hynrei ban peit mynta Ka jingkiew ki nongshna Phlim Khasi Jing ngi kum u Pradeep Kurbah, Simi Khongtiang, Kiki Garod bad kiwei kiwei Ka la pynkiew arsut bad don ruh napdeng Jong ki ki bym donkam satia ia Ka lad Jingiarap bad katno leilei Lada Ka Pisa Ka kham bun bad Kan long Kaba janai shuh shuh ban pynbit pynbiang ia ki phlim Jong ki.

Ngin kitbok kitrwiang ia Ka jingtreishitom ki nongshna Phlim Khasi khamtam ia kiba don ha Ka lama Ka MEGHALAYA FILM MAKER ASSOCIATION MFMA bad ruh ban ngin nang ai mynsiem shuh shuh ia ki phlim Khasi Jaintia ba kin kiew kham shajrong ha ki Kam Shna bad ak Phlim.