Jot ka jaitbynriew ba shet kylla ki Syiem Khasi jongngi ha ki por mynshwa

KA IEWDUH JONG KA HIMA MYLLIEM

Shillong: 6-Kyllalyngkot 2021

Ngim lah ban ong lane tip ha Kano Ka por lane u snem ba na Ka Liang ki nongsynshar Hima ki ju bamsap bad kloi ban die ia ki jaka puta sha ki mynderi tang ban biang malade  khlem pyrkhat ia la u paid u raiot u ba sansot u ba rangli ha la Ka Jong Ka ri.

Ym baroh ki Syiem Jong ki Hima hapoh Ka ri Khasi hynrei don ruh ki Syiem kiba pyrkhat ia la Ka khyndew Ka shyiap da Kaba ialeh laitluid na Ka bynta Ka ri, hynrei napdeng kiba bun ki Syiem don tang Wei ar ngut kiba Len lade na Ka bynta Ka hima bad Ka ri baroh kawei.

Ngam kwah ban kren beiñ iano2 bad ngam kwah ban thew lane kynnoh iano iano hynrei kaei Kaba ngan pynshai Ka long katkum ki dak ki shin ki ba paw hynrei ban ong ba baroh ki Syiem Jong ki Hima bapher bapher ki long kumjuh kam don satia kum kata hynrei tang kito ki khwan malade tang ban biang ialade haduh ban die syndon sha ki bar jylla ia ki jingdon jingem.

Ka jingjia ba khyllah hapoh ri Khasi jongngi, Ka nem sniew Ka wan tyllep ia Ka jaitbynriew namar Ka Matti ki Syiem mynshwa. Ka Jing Shah thombor Jong u Khasi ha ki Kam ki jam, Ka Jing Shah thombor ha Ka khaii Ka pateng, Ka kamai Ka kajih, Ka lad iohkam ioh jam bad ha Ka jaka Ka puta la Shah kamtrai bad Shah thombor ki nongwei shisngi.

Ynda Haba ki Sengbhalang bad ki paidbah ki la sdang iakhih kumjuh ki bar jylla ki pynksan ha la Ka jing biang ki kot ki sla ki Jong ki na Ka bynta ban thombor iangi. Ka jingshah thombor ha Majai ha Ka Kam Ka jam, Ka jingshah thombor ha Ichamati ha Ka Khaii Ka pateng hynrei baroh kine ki mynderi ki biang ki kot ki sla bad ynda wad bniah u Syiem Sohra ngim tip ha u snem aiu u ai NOC ia ki mynderi ha Ka dor Kaba heh na Ka bynta ba kin trei kin ktah. Kumjuh Ka Ichamati haduh ba uwei u dkhot Ka ri u la duh ei na Ka jingthombor Jong ki mynderi kiba la pynsyaid bad pynskhem ia Ka nongrim longtrai Jong ki da u Syiem Sohra ha Ka dor Ka ba heh lyngba ki NOC bad ki kot jingpynshisha jaka bad lada ym dei kumta balei ym lah ban weng shisyndon ia kitei ki poiwir na katei Ka jaka.

Ym tang ha thaiñ shathie Ka ri Khasi wat Ka IEWDUH Ka iew baheh tam Ka ri Khasi ba peit da Ka Hima Mylliem haduh mynta mynne Ka don ia Ka Kam bamsap Kaba shyrkhei wat haduh ba Kam da lah shuh ban wat ban tuklar ia Ka IEWDUH Kaba dei Ka Jong ki Khasi hynrei ki bun kiba shong dukan ha IEWDUH ki dei ki mynderi.

Mano ba ai bor ia ki mynderi?

Lem da dei ba Ka Hima Kam ai bor ia kine ym don da kiwei pat ki lad bad Ka bor la shong hi ha Ka Hima bad da ki phew sien Ka KHADC Ka ju tuklar hynrei shaei yn poi Haba Ka Hima Ka don bynta. Peit ia Ka IEWDUH ki khasi bapli ha Madan ki shong dukan bad u mynderi ha ING paki dukan bad ban pynkylla ia Ka kyrteng na IEWDUH sha BAZAR ki la nud namar Ka jingbun paid.

Shuh shuh hynniewphew na Ka shispah Ka dei Ka dukan ki mynderi Kaba ym don satia ba kwah ban pyrkhat ia kata haduh kane Ka khyllipmat bad ym slem Kan poi ba baroh Kan dei Ka Jong u mynderi.

Kam myntoi ngin dawa ILP Haba ki kruiñ napoh rympei ki iai suh thied ha man la Ka bri ban bam lut tangban biang Ka kpoh malade bad lada Ka iai bteng SA katno ki dkhot Ka jaitbynriew ki knia da la Ka Jong Ka snam na Ka bynta Ka ri Khasi Ka ri Baieid ki Blei.