Tlot ka iada khappud namar u DGP u dei uba na Assam

Kumba long naduh ba don ka jingia kulmar bad iakajia khappud ha ki ar jylla kata ka Meghalaya bad Assam kaba Jia naduh mynshwa bad ka jingiap briew ha ki thaiñ West Khasi Hill ha Langpih ha ki 5snem bala dep Kam don satia Kano Kano pat ka jingialeh na ka jylla jongngi.

Ha kine ki khyndiat bnai ngi lah ban iohi ba ka iakajia khappud bad ka jingtur jubor Jong ka Assam ym tang ha ka jylla jongngi pynban Sha kiwei ki jylla ba Marjan Kum ka Mizoram, Manipur, Nagaland ha kaba kine ki jylla Kim ju aili bad ailad bad wat ban siat Da ki suloi Ruh Kim salia.

Ha ka jylla jongngi Kam don Kum kata ka Jing deploy ia ki Law enforcement ha kitei ki jaka bad ka jylla jongngi ngi la sakhi ba ha kine ki khyndiat sngi ki Pulit Kim don satia ha kitei ki khappud ban iada ia u pud u sam ka jylla Meghalaya. Bad bunsien ngi lap ba dei ki paidbah katei ka thaiñ hi kiba mad jingeh kiba ju wan shakhmat.

Shuh shuh ngi lah ban iohi tang ia ki MDC bad ki MLA ki bym don satia ha ka Bor Sorkar kiba kloi ban tuklar ia ka jingeh Jong kitei ki paidbah ha katei ka thaiñ bad sngewsih ban Ong Ruh ba u Myntri ka kam pohiing ym pat iohi satia ba yn poi ha katei ka jaka bad na ka por Sha ka por Shu kut tang ha ka shah ñion ha ki Pulit Assam.

Na ka Liang u Myntri Rangbah ka jylla Meghalaya Ruh u Shu kut ha ka kular bad ka jingia kynduh khah khah bad u Myntri Rangbah ka Assam pynban haduh mynta ngim pat iohi ba kine ki ar jylla ba kin pynbeit nohia u pud u sam bad ka Shu pjah tang ha ka ia kynran dien shimet shimet.

Ngim lah ban Len ba u DGP ka tnad pulit ka jylla Meghalaya u R. Chandra Nathan IPS batch 1986 Assam-Meghalaya Cadre ym dei satia na ka jylla rit paid ka jongngi bad Ngim tharai yn don ka mynsiem iarap lane iada ia ka jaidbynriew ritpaid riewlum Jong ngi bad kaba pynskhem shuh shuh ka long ba u dei na ka jylla Assam bad u lah bat teng Ruh Kum u DG ka Railway ha Assam ha Shwa ba un long Kum u DGP ka jylla kaba mut u lah ban don ka jingiatreilang bad ki Pulit na Assam kumjuh bad ka Sorkar Assam ha kaba iadei ban kyntur pud Sha ka jaka ka Meghalaya.

Imat dei ma u uba wanrah shibun ki policy shakhmat ban nym pynkhlaiñ ia ki Bor pahara ha ki khappud wat lah don ki jingmynsaw paidbah ha ka Kam iakajia bad dei ma u, u bym shimkhia ban phah patron ha ki jaka khappud ba iakajia bad dei na kata ka daw sa iohlad ki Khar Assam bad na ka Liang ka Meghalaya tang ki riew paidbah bad ki Sengbhalang kiba ju mih barabor shakhmat.

Ngi sngewsih ban iohi ba katno ka long kaba jynjar haba lah khlieh Da ki nongwei ha ki Administration baheh baheh ka jylla khamtam ha ki tnad Iada bad ka long ka jingtim pat Lada Jia eiei ia ki para Khasi jongngi ba Lada ki bakla tiak ki lah jot ei bad na ka Liang ki Pulit ki trei shitom bha Lada Jia eiei ia ki ritpaid na kane ka jylla.