Shu kut tang ha ki jingialang, jingpynrem, jingdawa, bad pharshi.

Kumba long haduh mynta ngi iohi don shibun ki mat kiba ka jaidbynriew ka donkam shisha ban ioh lane ban ioh jingiada kyrpang ia la ka rukom long tynrai hapoh ka bri u hynniewtrep lyngba ki lad ki lynti Sha ka Sorkar khnang ba ka jingangnud Da kiba bun Kan urlong kumba lah kwah naduh mynshwa.

Ngim tip ngi dei ki jaidbynriew aiu kiba shlur ne kiba Khawpud namar ha man ba ngi peit ha ki jingialang paidbah ha ki jingialum paidbah ki heh nongialam Seng bapher bapher bapher ki ju pyndonkam Da ki kyntien Sur riewshlur na ka bynta Kano Kano ka mat kaba ka jaidbynriew ka donkam ne ban dawa.

Pynban haba ianujor Da kaba thew pylla bad kiwei ki jaka lane bad ki kiwei pat ki jaidbynriew ngim pat long shisha kiba long riewshlur pynban ngi dei ki Khawpud.

Ka jinglong mlien ban Shu kyrhuh ha ki jingialang dei tang ka buit ki nongialam na ka bynta ka dur khmat Jong ki ha ki Kam shimet Jong ki ym na ka Kam ka jaidbynriew. Shuh shuh ngi long ki Khawpud khamtam kiba ju mlien ban kyrhuh khlem Nongrim khlem trei pat ia ka Kam.

 

Ki paidbah bapli ha kine ki sngi ia uta uba nang ban kren riewshlur ki lah pynman ba udei uwei na ki snar ka jaidbynriew wat Lada u dei u bym ler Kam ha ki Kam hynrei tang namar ba ka bang ka ñia ki paidbah bapli ki lah pynnoh shata khlem Da pynshong nongrim. Shuh shuh ki paidbah Kim dei ban shah pynbeij ha kine ki buit poh kiba Shu pynlut kai ia ka por ki paidbah ha ka kyrteng ka jaidbynriew tang namar ki jali ja-um kiba Shu khlei na ka bynta ka lawei shimet jongno re.

Ia ka jingjia ba la dep Jia hapoh ka bri hynniewtrep lane ia ka jingeh kaba ngi lah dep tip lypa bad kaba lah dep Jia kine ki briew ki kloi ban pynlong jingialang tang ban paw ei ka dur malade ban pynksan ban pynkhraw ialade ba hap ban leh eiei tang da I sur Pynrem bad dawa ia ka hok, kren ieid ri bad kren riewshlur bad lait nangta Kim lah kot Bor satia ha ki Kam pat namar Kim dei shisha kiba na ka bynta ka jaidbynriew hynrei tang ialade hi lem kumta kumno yn ieid jaidbynriew tang ha ki jingialang khamtam ban ioh sei nia riewshlur khlem ler pat ha ki Kam te kaba ym lah ban pdiang.

Ka jingialum jingialang khlem jingmut, ka jingpynrem bad ki jingdawa Kim dei satia ki iktiar ki ban pyn kylla bad ban ioh jingiada ia ka ka jaidbynriew. Pynban ha ngi ki Khawpud tang ban ia thang Tynshop ruh ngi lah sngew ba ngi lah Jop ia u nongshun, ka Jing pharshi ia ka Sorkar dei tang ka buit lyngkot bor Jong kita ki Khawpud kiba um lah satia ban pynkhihwin ia ka Sorkar.

Namar kata keiñ ki nia Pynrem ki nia pharshi da lei lei Kim dei ka lynti ka jingjop ka jaidbynriew pynban ki Kam shlur ban Leh pyrshah ia ki riew bym man dei da ki Kam  riewshlur shisha ki ban hap sei da ki tiar iakhun kiba  tang ki rang iada ka jaidbynriew ki lah ban don ym ki khleiñ la thang.