Ngam sngewtynnad ba kat Ka Dorbar Khasi kan pdiang burom ia ki khyllah jait

Ka Gurgee Mandy Kaba la pdiang burom

Shillong: 8-Kyllalyngkot-2021

Katkum Ka sla jingthoh khubor Jong Ka Shillong Times Kaba la mih ha Ka 6 tarik u kyllalyngkot u 2021 Kaba la thoh ba Ka Dorbar Shnong Laban Ka la pdiang sngewbha ia Ka Gurgee Nandy Ka nong jop ia Ka Miss India Kaba ngim tip satia mynno bad nangno ia katei Ka jingiakop.

Kaba sngewsih Ka long ba kat Ka Dorbar Shnong Laban Ka pdiang burom ia kane Ka briew Ka bym dei satia Ka Khasi bad Kaba ktah Ka long Kaba ki pdiang burom ha Ka ryngkat da Ka jaiñ jingkyrshah Kaba dei Ka riam u khasi kum Ka dustur Ka kolshor.

Ym tang katne Ki seng Samla Laban, ki seng Samla kynthei Khasi bad wat Ka Seng Khasi laban ruh Ka don bynta ban pdiang burom ia kane Ka briew khlem da tip satia ia la Ka Tynrai lade. Shuh shuh kane Ka Jing pdiang burom kadei tang na Ka daw ba ka don Ka jingsngew khyllew, ka sngewsarong bad Ka jingsngew kwah burom kwah pawnam jubor bad wat ban klet ia la Ka Tynrai lajong bad ban die ia la Ka Tynrai tang na Ka daw Ka jingkwah burom.

Ngan ong ia phi Ka Dorbar Khasi Ka dei Ka Dorbar shongprah shong Shang Jong u Khasi Khara Ka Dorbar Jong Ka ri Kaba ieid ki Blei bad Ka jutang Kaba mih na Ka Dorbar kadei Ka bor bad Ka dawai bah Jong Ka ri Khasi khamtam ia Ka shnong Haba don lei lei la dwai Ka phirat bad ym don hi ruh ba nud ban tur kulmar sha Ka Dorbar bad to ngin kynmaw dngong ba u bym dei u Khasi Ka Dorbar Kam lah ban pdiang.

Lane nga Shu kwah tip ba ioh lehse Ha Ka Shnong Laban la Shah ban shong Dorbar Lang Ki khyllah jait lane ki Mynderi lane sien ba la riam da Ka kyrshan Khasi ioh ba ki don kiba ki ba la ioh ia Ka ST ruh bad shuh shuh naduh mynno Ka Seng Khasi Laban bad ki Seng Samla Laban ia la ia don kti ia kine kiei kiei baroh?

Bad Lada Ka iai long kumne synjor Ka dawa ILP... Namar wat u nongmihkhmat katei Ka thaiñ um sngewthuh iala Ka Tynrai lajong, ia Ka dustur bad Ka kolshor Tynrai Kaba Mano ba dei hok ban don bynta.