Lyngngai iohthiah Ka KHADC, Katba Ka jaitbynriew Ka ud Ka iam

Shillong: Naduh ba la ioh ia Ka Executive Member ba thymmai ha u snem ba la dep  ha Ka jingialam u Bah Tittos Chyne uba long kum u Chief Executive Member (CEM) Jong Ka Khasi Hills Autonomous District Councils (KHADC) na Ka Liang katei Ka ING hi baroh kawei la I kumba Ka iohthiah lyngngai khlem iohi satia ia ki mat treikam ne ki policy thymmai Kiba iadei ia Ka jaitbynriew Khasi ne kumno bad iada ia Ka jinglong kyrpang jongngi.

Kumba ong ha Ka ktien phareng Ka KHADC Kam long da long Kaba treikam (inactive) ha kine ki por bad sngi namar don shibun bha ki mat kiba sahteng mynshwa la ha Ing Dorbar thawaiñ ne Jong Ka jylla bad wat haduh ha Raj Bhawan ne ha ophis u Lat (governor) Ka jylla ruh don bun ki Kam ba sah teng. Bad lajan dap shisnem katei Ka EC ba la ialam da u Bah Tittos Kam pyngkhih ia ki Kam ba sahteng. Ym tang katta lajan dap shisnem ym iohi ia Ka Jing talasi Jong Ka KHADC enforcement ia ki dukan bym biang kot bad ym tang katta wat ia ki nongbylla ruh la iohi ba Ka KHADC Kam kwah satia tang ban phai khmat. La Shu iohi kumba Lada ki wan ruh biang bad lada Kim wan ruh dep.

Shuh shuh don shibun ki policy ba sah teng ba la maitphang da ki EC barim na Ka bynta Ka tnad labour ne nongbylla, Ka tnad trading ne khaii ki bar jylla bad kumjuh ia ki nongshong dukan ne ki streets vendor kiba ha Ka policy barim Jong Ka tnad labour Ka la pynbiang bha bad Ka long Kaba ittynad bha ia Ka rukom sdang Ka Jong ki, hynrei kiba bud pat bad ban shimti hadien ki phlop Suda.

Ynnai ia Kren bun nia than ki dang don shibun ki ordinance ne ki bills Jong Ka jaitbynriew ki bym lah satia ban ñiew kyrteng kiba la sah teng ha kane Ka EC bathymmai Jong Ka Ing Dorbar thawaiñ Jong Ka jaitbynriew lane KHADC.

Hynrei tang kawei ngin khmih lynti ba kitei ki riew rangbah ban shong ha Ka Dorbar thawaiñ Jong u paid Khasi baiar ba la jied da u raiot na kin pyrkhat sani bha ia Ka lawei Jong Ka Jaitbynriew.