Don tang ki Karkhana bar jylla ha Ka jylla jongngi.

Don shibun ki karkhana ha Ka jylla jongngi hynrei ki trai kitei ki karkhana 95 na Ka 100 Ka dei Ka Jong u dkhar lane u mynderi. Bad Ka long Kaba shitom bha ruh ia u trai jylla lane u Khun khasi Jaintia ban sengkam lane ban pynmih ne seng karkhana. Ngin nym pat ia Kren ia u Garo.

Ym ba ki Shu don karkhana bad ban ai Kam ai jam ia ki Samla Ka thaiñ hynrei kiwei pat ki jingeh kiba wanrah ia Ka khyndew Ka shyiap Jong Ka bri Jong ngi. Kum ia ki khlaw ki btap ki jaka ki puta bad ki wah ki um kiba Shah ktah man Ka por na kine ki karkhana ki mynderi kiba ju iaidlait man Ka por.

Ym dei tang katta Ka jingialeh pyrshah kine ki karkhana ia Ki Sengbhalang, Dorbar Shnong ban iaid lait bad ban nym salia wat la ki pynjaboh ia Ka Mariang lane Ka shnong ruh. Ban da thok ia ki bhah thungkam thungjam ruh.

Ki karkhana dewbilat ha Jaintia, ki karkhana coke ha Thaiñ Shahlang bad ki karkhana ba don ha Byrnihat bad kiwei kiwei kiba phin da Shem ki dei ki trai ba na bar jylla. Bad ruh kumba 60% bun na ki nongtrei ki dei kiba na bar jylla.

Kane baroh Ka dei na Ka Sorkar bad Ka District Council kiba ailad lane ai Syrnod ba kin tei ia ki karkhana ha kitei ki jaka. Bad ruh Ka Rai ba khatduh Ka dei hi na ka Dorbar Shnong bad ki Samla shnong ba kim da peit thuh shwa bad Ka Jing bym biang Ka thoh Ka tar ha shwa ban ai ia Ka Syrnod jingbit iano iano Kaba lah wanrah jingeh pat hadien.

Ka dawbah baroh Ka dei na Ka jingbym peit thuh ki Dorbar Shnong bad ki Sengbhalang na Ka bynta Ka bha Ka miat Jong shnong Ka thaw. Haoid ngi lah ban ai hynrei ngi dei ban ia thoh ia tar khnang ban lait Ka kynrum kynran bad ki bym kheiñ ia Ka jutang ne kiba mih na Ka jylli Ka jingia pynbeit hap ban ia mih ban rah da Ka wait kumba ong u Monbhut u myntri barim Ka Hima Nongkhlaw ha Ka por Ka sorkar phareng.