Ka jing ieid Mariang bad dieng ki briew naba khet dieng ha 7mer Ka dei Kaba Shu ieid shongshit khlem jingmut: S Khongjee

S. Khongjee 

Shillong

Na Ka bynta ban shna pynbha ia Ka Surok bah Shillong-Tamabil Ka company NHIDCL Kaba dei trei ia Ka Surok Ka hap ban mait Noh ia ki katto katne ki dieng (pine trees) ha 7mer ha Syndah Ka Eastern Air Command Jong Ka tnad shipai suiñ ka Air force.

Ka daw ba hap ban mait Ka long ban pynheh surok bad ruh na Ka Liang Ka company Ka lah ioh jingbit da Kaba Shai ia Ka sorkar lyngba Ka tnad Forest department bad kiwei kiwei ha ryngkat ki jingsiew kylliang (compensation) da Ka jingthungdieng sha kiwei pat ki jaka kiba na Ka Liang Ka company Ka hap ban leh.

Kaba sngewsih ban iohi pat Ka long ba naduh ba lah sdang ban khet ia kitei ki dieng ba radbah ba lah iaw bha tang katto katne tylli, bad mar mar her ki khubor kiba pynlong ia ki paidbah ban khie bhur namar katei Ka jingkhet dieng ban shna surok Ka dei lyngba Ka sorkar bad Ka company da Kaba kynnoh ba ki la leh dusmon da Kaba pynjot ia ki dieng kiba lah kot da ki spah snem bad bad kiba long Ka jingittynad ia shilynter katei Ka surok.

Shibun ki khubor kynthoh, shibun ki khubor kdew kti ia Ka sorkar namar Kam lah ban wad da kiwei ki lad ban nym pynjot ia ki dieng.

Shibun ki riew ieid dieng ki lah ia mih shakhmat lyngba ki Social media ban pynpaw Ka Jingieid ia kitei ki dieng bad shibun bha kiba Kren ieid dieng ruh tang na Social media khlem iohi da la ki Jong ki khmat.

Shibun bha ki briew kiba ym lah ban tip ba wat tang uwei u tynrai dieng ruh Kim pat ju thung hynrei Ka Jing ia am ieid dieng Ka long Kaba shyrkhei namar dei tang Ka Jing pynshit jongno re na kyndong lyngba ki lad pathai khubor namar Kane Ka surok Ka dei Ka Lynti bah Jong Ka ioh Ka kot Ka jylla bad ruh lyngba ki Jing pynshit ha ki kotkhubor Ka long ban pynslem ia Ka roi Ka par ha Ka jylla hi baroh kawei. Wat manga u ba lah thung da ki phew tynrai ki dieng ruh ngam pyrshah ia katei Ka jingkhet dieng namar NGA hap ban peit bniah shwa (observation) ym ban Shu iohi katba thoh ha kotkhubor Shu ia buaid lang bad kane Ka dei Ka ba bakla.

Ym tang katta ki mih SA kiei kiei kiba tang ha social media kum ki Petition filling kiba ym poi shano shano ban Shu pyni ba ki don kata Ka jingieid Mariang hynrei ki Kam Ksan rympei hi Kim ju lah thaw pyrthei khamtam ia Ka phang Kaba Shu sngewthuh bakla.

Shuh shuh Ka sorkar Ka lah dei ban kem bad ban wad ia Kita ki nong pynshit lyngba ki kot khubor kiba dang wad daw ia ki phang treikam kiba wanrah ia Ka roi Ka par ha Ka jylla kiba thmu sniew sha lyndet wat Haba ki lah tip ba Ka Sorkar Ka lah iaid katkum ki kyndon aiñ ban wanrah ia Ka roi Ka par ha Ka jylla jongngi.