ka thain Ri-war ka kper eden jong ka Ri Khasi-Jaintia

Ka kynroh Arliang ba pawnam Kaba don ha Rngain

Ki jaka pynnoh ba phai shathie lyngba ki riat bad ki ram jong ka ri Khasi kiba don syndah bad ka ri thor

lah khot ka thain Riwar bad ka long ka ri u Soh u Pai u Tiewlasubon u Tiewdiengai bad u Tiewsympa. lyngba ka thain Riwar shibun ki jingmyntoi kib ka ri Khasi-Jaintia ka ioh lyngba kane ka thain naduh ki soh ki pai ki jhur ki kynbat.

Hangne ki don ki kper Sohniamtra kiba man ka tlang ki pyndeng kpiengksiar ia ki lynter ranab lum. Don ruh ki Bri-Tympew bad ki Bri Kwai kiba iar bad pynieng bad pynkiang. ha ki snem ba dang mynshwa, haba ka die ka thied, ka khaii pateng ka dang iaid bha, ki briew jong kito ki thain ki la long kiba riewspah shibun. U Sohkwid, u Sohkynphor, u Sohtrun ki seisoh bha ha kitei ki thain. na ki sla Sohtrun ki briew mynshwa ki ia thir ksai ruh bad une u ksai u long uba jwat shibun bad ki pyndonkam ha kaba thain ia ki kynja iarong ne kynjajar.

Ka Latyrpad ruh ka mih bha na kine ki thain bad ka jingpyndonkam ia ka, ka long tang khyndiat eh, kum ki kynja musla jyntah hynrei kiba bun hi ki shalan shapoh ri thor.

khambun na ki kynthei ha kito ki thain ki tbit bha ban thain da ki thri, kum ia u Shylliah, ki Ruh, ki Khoh bun rukom, Ki Trap bad k nup Rit bad ka rukom thain ia kine ki knup ka long kaba ni haduh katta katta.

Shuh shuh ki jingtrei ha kito ki thain ki long ki jingtong dohkha ha ki wah bah kiba noh arsut sha ri thor lyngba ki ranab lum ba ithtiang jong ka thain riwar bad ki long kiba heh bad nangheh nangiar kat nang noh sha kito ki thain, man la ka teng jong ka wah don ki thwei ba iong bad ki kshaid ba noh rymphum ittynad bad shibun ki dohkha dohum kiba jngi sngewtynnad lyngba kine ki jingdon jingem ha shi lynter kitei ki wah.

ha ka por tlang haba ka um ka rit bad ka hiar bad ka bneng ruh ka rang bha ki shynrang ,samla ,Rangbah bun taiew ki trei shitom bad ia ap bad riam dohkha ha kitei ki wah lyngba ki buit ki bor stad jong u khasi ha ki por mynshwa ban ioh dohkha shibun bad don ruh kiba pyndonkam da ki jar ban riam bad ngat dohkha ha ki por mynshwa. ki kynthei pat harud wah ha la ki wait banep ki nang tar dohkha shaid shi shaid bad thad halor ki maw ba kin kylla kha tyrkhong. bad ban ioh leit die sha kylleng ki shnong ia kine ki kha tyrkhong.

shibun kiei kiei kiba haduh mynta ha ki thain Riwar ki dang pynneh pynsah ia ki rukom rep bad rukom thung ia kiba bun jait ki jingrep kiba seisoh bha ha kitei ki jaka kiba pynlong ia shibun ki briew ba kin riewspah,