Ki Skul bad College ki dei ban map ia Ka bai Skul kum ha kane Ka por.

Ngi iohi naduh mynshem snem ba wan nyngkong une u khñiang Covid19 Ka lah don Ka jingktah ia Ka ing Ka sem kiba bylla sngi bad kiba kamai kajih kiba hap ban pep trei na Ka daw Ka lockdown lait Noh tang kiba treikam Sorkar.

Kiba bun hi ki nongtrei nong bylla ha Ka jylla ki dei kiba treikam lajong ban ia kiba treikam Sorkar bad Ka long Ka jingktah ia kiba bun balang ha Ka ioh Ka kot namar Ka khangdam.

Ba ia kheiñ ia ki Skul bad college pat don shibun ki Skul private ban mission ban ia Ka Skul sorkar Kaba mut kiba bun balang hi ki hap phah Skul ia la kijong ki Khun ha ki Skul private bad mission kiba heh Ka jingsiew da ki 10 20 Shah ban ia Ka jaka pule Jong Ka sorkar.

Haba peit ia snem ba la dep Haba tip paidbah ym don kawei ruh Ka Skul private ne mission Ka ban map ia Ka bai Skul namar Ka khangdam. Bad ki khynnah lyngba ki kmie ki kpa ki hap ban siew beit ia Ka bai bnai bad snem kumba ju dei.

Shuh shuh ha une u snem ruh don ki jaka pule kiba lah dawa Bai Skul Bai klas wat Haba ym long Skul ruh hynrei Ka Shu don tang Ka online bad Ka long Kaba eh bad Kaba ktah shibun ia kiba duk bapli ki bym ioh shuh ban leit trei leit ktah.

Bun kiba ong ba ki Skul private ki siew Bai Skul da Ka jingsiew ki khynnah Skul Haoid Ka dei hynrei khlem Ka jingiohnong Kaba man la u snem Ka Skul ruh Kam lah ban long bad lada Kam don ia Ka emergency fund ruh Ka Skul Kam lah ban long lane Ka lah dei ban khang Noh hi shisyndon namar ban Shu khwan ia Ka bym hok Ka long Kaba bakla pat bad ruh baroh ki Skul ki don la lajong Ka jingiohnong bad lada ki duh nong ki lah dam lah slem. Kumjuh ki mission Skul baheh baheh Ka jingsiew ruh khlem da ioh na Ka Bai Skul Kim lah hi ban siew Bai nong ia ki nonghikai hynrei kam-mut ba ki khynnah Skul kin siew Bai skul, bad da Kato hi marmar ki siew tulop nonghikai hynrei ki don hi ia Ka Budget mang tyngka bad Ka jingioh Jong ki ba man u snem ruh Ka don ha ryngkat Ka school management fund bad Ka emergency fund ki don hynrei ban Shu am na ki khynnah pule khlem map Ka long Kaba iap ka jingiatiplem kum ha kane Ka por, namar ngi lah iohi haduh katno ki Sengbhalang kiba trei Mon sngewbha ki bym don jingiohnong kum ki skul ruh ki lah ban Noh synniang te kumno pat ki jaka pule kiba iohnong man u snem Kim lah synniang ia la ki khynnah pule kiba dang pule bad lada Ka lah ban long ruh Kan Jin da ki ioh ia Ka nam bad burom pynban markhongpong hi kine ki jaka pule ki leh bad kham bun hi ki dei ki jaka pule na Ka Ing Kristan.

Ym ban Shu kynnoh ne kdew kti namar kiba hiran ki sngewthuh ia Ka shipa Ka jingim bad teng teng Kine ki jaka pule ki long ruh kum Ka business Kaba heh bha wat Haba don Ka Lockdown ruh Ka jingioh Jong ki Ka long arshah ne laishah namar Ka jinglut (school expenditure) ruh Kam don satia ha kine ki ar snem wat tang shipiah ruh bad Ka long Ka jingioh Kaba heh bha khamtam ia ki jaka pule Jong ki mission kiba ia Ka tulop lah siew da Ka sorkar..

D.L Lyngdoh 

Shillong