U nongrwai ba shisha ka jaitbynriew u dei u ne kn uba ju rwai ia ki Kynthei Khasi ba ioh tnga mynder, Benemi bad Trading Licence.

Don shibun ki jingrwai myllung bad ki jingrwai ieid ri ba la rwai Da ki nongrwai ba paw kane ka ri jongngi. Bad Lada ngi sngap ia kine ki jingrwai ki long kiba myllung bad sngewtynnad bha shibun bad kiba pynum ia ka dohnud jongngi Ruh teng teng.

Don shibun ki nongrwai kiba ioh ia ka khusnam na ka bynta kine ki jingrwai ieid ri bad ki jingrwai myllung.

Hynrei Lada phi sngap bha ia kine ki jingrwai Kim dei satia kiba bha na ka bynta ka jaitbynriew jongngi namar ki pyn myllung bad ki pyn iohthiah lyngngai ia ka jaidbynriew bad ia ki nongsngap ba ka Jing ieid ri ka kut tang ha ki jingsngew myllung hynrei ban don ka skuiñ ka smiej ba ngin Thom ia ki jyrwit jyrwat kine jingrwai Kim don satia bad ia ki jingpynshlur mynsiem Ruh.

Ki jingrwai ba la rwai Da ki riew ieid ri ki long shaphang ka ri baieid ki Blei, ka jingieid ia ka Mariang, ka jingieid ia ka jaidbynriew, ka jingrwai myllung ia kiba lah leit bad ia ka Jing shah tyllep, ki jingrwai ia ka khuid ka suba bad ki jingrwai ia jingtei bad ki jinglong tynrai Jong ka jaidbynriew. Bad kine baroh ki long tang ban pyn myllen bad ban pynum ia ka dohnud hynrei Kim dei satia ki jingrwai kiba wanrah ka jingkylla ia ka jiadbynriew lyngba ka Jing kynshoit na ka jingrwai ban pynlong ba ngi dei ban Leh eiei na ka bynta ka jaidbynriew.

Hangne ngin ia kren ia uwei na ki kaitor ba pawnam ka ri jongngi UBA lah rwai naduh u snem 1990 bad kiba bun ki nongrwai mynta Kim pat kotbor satia bad u naduh ki jingrwai Jong u haduh ki kyntien jingrwai Jong u. Une u nongrwai u dei uba nang bha ban thoh jingrwai Khasi bad ki kyntien ki Jong u Ki long kiba khlaiñ Bor haduh katta katta bad teng teng lyngba ki jingrwai Jong u Ruh don ki jingkylla hangne hangtai.

U bah U.N Sun u kaitor una pawnam Jing ka jylla  kiba bun ki lah ban kyntait ba u dei uba rwai na ka bynta ka jaidbynriew jongngi hynrei une u kaitor ha ka por ba u rwai u ju sngewshon eh ia ka jaidbynriew Khasi ha ka jingshah tyllep ha ki nongwei shisngi bad ka jingsynjor jong ka aiñ ka lah pyn skuiñ pyn smiej ia u haduh ba yn sdang ban shna jingrwai na ka bynta ka jaidbynriew jong ngi naduh u snem 1997 Ter Ter. 

Ki jingrwai Jong u ym dei satia kiba u rwai shaphang ba u ieid ia ka jaidbynriew hynrei u ieid ia ka jaidbynriew Da kaba u rwai Da ka jingphla Jong u ha ki kyntien ia ka daw baroh ha ka jingrwai ba balei ka jaidbynriew jongngi ka hiar nadong shadong. Bad uda tih tynrai ia ka dawbah ka  jingshah tyllep ka jaidbynriew Khasi jongngi. Ki jingrwai kiba u rwai kiba ngi sngewthuh Shai ba u rwai pyrshah ia ki katto katne ki ba mut tyllep narieh narieh ia ka jaidbynriew ki long Ka Trading License, Ktung ai Miaw, Mama kaha hai, don shuh ki jingrwai Jong u kiba lah Jah kiba u rwai shaphang ki Mynderi halor ka Kam benemi Jong ki thei Khasi bad haduh katno ki thei Khasi ki ieid ia u Mynderi dakaba thombor pat ia ka ka jaidbynriew barit paid. Shibun kiwei pat phin Shem ba haduh katno u ne  u kaitor u pynpaw ia la ka Jing sngewshon ha kaba iadei bad ka jaidbynriew Da kaba shna ia shibun bha kiwei Ruh ki jingrwai shaphang ka jaidbynriew kiba Ngam lah shuh ban jer hangne.

Kine ki jingrwai Jong u Bah U.N Sun ki dei ki jingrwai kiba ktah bha ia kito kiba lah dep mlien ban Leh ia kane bad lyngba ka jingrwai Jong u ka pynshlur ia ki nongsngap namar ha ki kyntien Jing rwai Jong une u nongrwai u Da Tim bad Da siat pharshi pyrshah ia kiba Leh ia kane khamtam ia kito kiba ioh tnga mynder.

Shuh shuh u Da ther tyngeh ia ka Sorkar Ruh ha ki por kiba lah dep namar u la dep iohi ia ka jingeh ki paidbah na ka por Sha ka por khamtam ha Shwa ka election bad u Da rwai Ruh ia ka jingrwai kaba kyrteng Bah Ngan Sa, kaba dei ka jingrwai ia ki nongmihkhmat ha Shwa ka election kiba ju kular lamler, Statue Ha Secretariat, Pla sorkar kaba pei bad kiwei kiwei kiba Da ktah Ruh ia ka Sorkar.

Ki don Ruh shibun ki jingrwai kiba u rwai na ka bynta ka Mariang Kum ka jingrwai Er Pyngngad ki Aw ka jingrwai  ia ka Sohra, ka jingrwai ba u Ieid ia ka Kmie bad I Kpa kaba dei ka jingrwai kaba Kham ktah bad shibun ki jingrwai Kum ka Ummat Balang.

Nalor kitei u lah Shna ia shibun ki jingrwai  pyrthei bad ki long kiba iaid iew bha haduh mynta wat la ki lah rim palat ia ka 20 snem mynta. Bad bun Kim pat lah ban pdiang ba u dei u Kaitor uba ieid shisha ia ka jaidbynriew jongngi bad u long uba nud bad Ym bym ju salia ban rwai ia ka hok.

Don bun ki riew Rangbah ki Ong ba u dei uba ju rwai khlemakor hynrei une u Kaitor u don la ka Jong ka jingmut bad wat ha ka ingbishar u ju jop bunsien haba shah tian bishar namar don shibun ki riewbishni kiba ai Da ka ejahar pyrshah ia ki jingrwai Jong u bad Ruh katto katne ngut ki riew kynthei kiba ioh tnga mynder hynrei ma u pat u don la ka Jong ka nongrim haba u shna jingrwai bad u ju jop bunsien hi Ruh pyrshah ia ki.

Hynrei ngi dei ban tip ba kito kiba Ong ba u U.N Sun u rwai khlemakor ki dei kiba pyrkhat jaboh hi ialade shimet bad ban ia kaba ai burom ynda lah iap ngi dei ban tynrong Kum ha kane ka por namar une u Kaitor ba pawnam ka jylla u dang don ha ka jingthiah pang lah bun tylli ki snem.

To ngin pynehrngiew ba shisinen ka sngi yn SA wanphai  biang Sha ka rynsan rwai bad ka long kaei kaba ngi ju khmih lynti ba yn dang wanphai Sha ka Kam kaba u lah trei kumba lah ai Sap u Blei.