Im ka jaidbynriew ba Im ki Sengbhalang

Im ka jaidbynriew ba trei shitrhem bad ba dang Im ka jingieid jaidbynriew Jong kiba bun ki samla Jong ka bri u hynniewtrep kiba dang ksaid dang iakhun ba la kumno kumno ka jinglong kyrpang ka dei ban neh Beit kumba lah pruid Da ki nongshynshar barim ha ka ri India lyngba ki khyrnit bad ki aiñ ki kyndon ban iada bad pynneh pynsah ia ka jinglong riewlum bad tynrai jogngi ha ka kot Jing ka Riri synshar ka ri India.

Pynban haba lah than ka rhah pisa tang ia ki aiñ ki ba la don lupa Ruh ki buhrieh ia ka iktiar shadien ban Leh klet. Kine ki dei kita ki briew ba shong shuki. Bad ka jingdkoh treikam bad ban iaidlait na ki kyndon treikam Jong ki heh shong shuki khlem Da ithuh shuh la u paradoh parasnam. Shibun Ruh ka jingshah ñion Ruh ha ki nongwei shisngi na ka por Sha ka por khamtam ha ki lad ia khaii.

Ngi donbok ba don ki Sengbhalang ba shitrhem na ka bynta ka khyndew ka shyiap ki tynrai ba shisha kiba lah mih lah umsnam teng teng ban Thom Da ka buit ka Bor ia ki riew shim kabu kiba mut iuhroit ia ka ri u hynniewtrep, bad wat ki paradoh parasnam kiba lah bit lah biang ia lajong Kim patiaw shuh ia ka lawei  bad khamtam ia kito ki ba ioh tnga mynder.

Da shisha ka jaidbynriew ka dang Im namar ngi don ki Sengbhalang ki bym ju kynran dien wat la ka mat dawa Kam urlong lah Da ki phewsnem ruh. Hynrei ki iai Thom na ka por Sha ka por.

Bad ngi donbok ban Ong ba katta ba ngi dang iakhih katta ka nongrim ka jaidbynriew ka dang skhem  bad don kiba Ong ba katta nang khih katta nang Ngam bad kane ka dei ia kito kiba thmu ban Ngam jyllop Sha ñiamra ym ban kiew sop Sha kliar ka jingjop. Shuh shuh katta ngi dang iakhih katta ngin dang ia tylli namar Ngi lah ban Iohi ki Sengbhalang mynta ki lah sdang wandur ha kawei ka lama Jong ka mat dawa namar baroh Shi katta ki don tang kawei ka mat dawa. Bad Ruh nalor ka shitrhem SA ki Jing iatylli kin wanoaw tang katta ka Sur u ba bun Kam Shan iano iano Ruh ha khmat u paid babun balang.