Kine keiñ ki Party Seng riewlum kiba pynhiar ia ka jaidbynriew Sha trai

Lada Shu ia peit ia ka rukom shakri Jong ka Sorkar mynta ngi mih ki jingkynnoh ki bapher bapher pyrshah ia ki nongialam Sorkar bad khamtam ia ki Party nongwei ki bym don ka thong ia ka jaidbynriew ban tynrong Sha jrong.

Ha ka Sorkar MDA ba mynta ba la ialam Da ka NPP ka long ka Sorkar kaba trei shitom bha hapdeng ka jingjwat ka rukom treikam na ki ar bad lai daw kiba mih bad kiba ktah ia ka jaidbynriew baroh kawei. Hynrei ka jaidbynriew ban tem ban thaw ia ka rukom im bathymmai ha ka imlang sahlang ka long kaba suk namar ba ka NPP ka khlem jop tang dalade hi khlem Da wan iasoh bad iarap Da ka Seng riewlum halor ka jiniapynbeit bad ka jingioh bat ia u shabi ka dei ka lad ia ka jaidbynriew ba Kan nang kiew shajrong.

Hynrei ka long markhongpong mar sien bat ka UDP ia u shabi ka Sorkar ha Shwa ban sdang ruh, ka UDP kaba Kam Kum ka Seng riew ieid jaidbynriew bad kiba bun ki nongialam khmat ki dei ki Khasi bad ha kaba khatduh ki lah kyntait ban ai shuki Myntri Rangbah ia para Khasi bad ka long kaba sngewsih ba ka UDP Kam kwah ban ia kiew para Khasi. Bad ka kloi ban ai shuki ia u bym don ha ka jylli Jong ki nongmihkhmat ka jylla tad ynda lah thung yn SA ieng ban iakhun election.

Shuh ia ka mat iakren halor ka ILP ka Seng riewlum Kim ju phai khmat ki Shu ia bun nia tang Lada don ka jingshongshit na ki Sengbhalang hynrei kitei ki party Seng riewlum ki dei ki kruiñ ia ka jaidbynriew jongngi hi. Lada ka Seng riewlum kaba sngewthuh Shai ia ka jingeh u paidbah balei kin hap kyrshan ban synrop ia ka Sorkar katba ka NPP hapoh Lok Sabha ka kyrshan im im peit peit ia ka CAB kaba lah kylla long aiñ ha u 2020 katba ha ka jylla pat ki ia um snam ban pyrshah ia kane. Bad balei ki Seng riewlum kim weng na kane ka jylli Jong kine ki Seng.

Kumjuh ki Seng riewlum ia mynta Kim don eiei wat ha iing Dorbar thawaiñ ka jylla ban pynmih Kano Kano ka mat iakren ne ka bill ban wanrah jingiada kaba khlaiñ jaka jaidbynriew kumjuh ha ka district council Jong ki Khasi ne ha Jaintia Ruh kaba dei lypa ka Ing sad kaba iada kyrpang Kam ju don ka jingia tai ban ki bill kiban pynkhlaiñ iada jaidbynriew bad kaba khatduh kadei naduh u 2017 bad ia mynta ngim ju iohi shuh ia ki snar ka jaidbynriew kiba shah jied Sha Ing Dorbar thawaiñ ban iaisaid ia ka khyndew bad ka shyiap.

Wat ka Kam khappud kaba lah slem kaba sahteng kaba kut tang ka ia umsnam bad duh ki mynsiem briew hynrei na ki nongialam Jing ki party riewlum kiba shong ha ki shuki baheh baheh Ngim iohi ba kin tuklar la u CEM ne u Speaker ka Assembly.

Bad sngewsih ba ka jaka themmotor kaba lah sah lah slem ban pynbeit hynrei u Myntri ka Municipal uba dei Ruh na ka party riewlum bad uba wan na ka Sengbhalang kaba khlaiñ mynshwa ban tynruh teng ia kane ka mat pynban mynta um don peit khmat shuh Sha kane.

To nang mutdur phi u paidbah Da bishar bha Mano ba pyniaid ia ka jylla bad ia ka ioh ka kot ha ka imlang sahlang bad ia ka shngaiñ ka iaid ka ieng ka trei ka ktah kumjuh. Bad ngi hap ban sngewthuh iano ngin kdew khnang ba kiba Leh ia ka Kam kin sngewthuh ban kylla.