Nga bynnud ia ka "Iewduh" ba ka la Jan duh

Ka lynti bah ban rung Sha Iewduh

Ka iew baheh tam hapoh ka ri Khasi Jaintia kaba long man ka sngi ka dei ka Iewduh kaba don ha Sor Shillong bad ka dei ka iew ba lah Shna bad soit da shor da u Syiem u Patsha mynhyndai lyngba u Syiem ka Hima Mylliem na ka bynta ka die ka pet ka siew ka tda ka khaii pateng Jong u bynriew kane ka ri Khasi khamtam ia briew ka Hima bad na kiwei pat ki Hima.

Ym tang ka Bor ne ka jinglong trai Jong ka Hima ia katei ka Iew hynrei ka don SA kawei pat ka Bor bahalor kaba peit ia ki jaka puta ka synshar khaddar ia ka Ri Khasi bad ban iada kyrpang ia ka jaidbynriew na ki nongwei shisngi ka dei ka KHADC. bad nalor ka KHADC ngi don sa ka DCA kaba dei ka tnad Sorkar bad hangne ngi lah sngewba ka jingshngaiñ ia ngi u jaidbynriew ka lah long haduh katta katta namar lah bun syrtap kita ki bor ki jingiada ia ka jaka ka shyiap khamtam ia katei ka Iew. 

Hynrei Jia aiu ia ka Iewduh kumba haduh 80 na ka 100 ki dei ki Mynderi kiba shong ha ka Iewduh ka Iew u Khasi, ka Iew ka Hima Mylliem, Ka Iew na ka bynta ki briew ki Hima Khasi. Hato u Syiem ym don Bor shuh, hato ka KHADC Kam don Bor shuh, hato ka tnad DCA ka Sorkar Kam don Bor shuh? Ne balei? Bad wat ia ka kyrteng ruh ki lah sdang lehstad ban pynkylla Sha ka Bajar ne ka bazar. 

Ka daw hi ka long iangi hi para Khasi Khara kiba ju bang tang ban aiwai dukan ia ki bar jylla, kaba ar ka dei ka Jing jyllei ki benemi ha katei ka Iew kaba ym Duna ia ka 50 na ka 100 ki don ha Iewduh, kaba lai u Syiem u bamsap haduh katta katta lem bad ki Myntri haduh ba Kim nud saham shuh ia ki mama, kaba saw ka dei ba ka tnad trading na KHADC Kam ju tuklar ia ka Iew lane ia U Syiem ka Hima, kaba San u Minister ka DCA u bah Lakmen Rymbui um ju tip eiei shaphang ka Iewduh bad ngi sngewsih ban Ong ba u bah Hamlet Dohling uba dei u secretary barim ba shitrhem bha ka KSU kaba leit tynruh khah khah Sha Iewduh mynshwa bad mynshem snem u lah bat teng Kum u myntri ka tnad DCA hynrei ym Leh eiei ia kane pat. 

Shuh shuh ngi sngew bynniaw halor ka Iewduh namar ha ka por ba khynra ki Seng bhalang ki mih Kam trai ki thei Khasi bad por ba khynra ki Pulit enforcement na District council ki shah tied bad shah tangon kylla ha ki dkhar hapoh katei ka Iew. Mutdur maphi ha jaka jongngi ngi dang shah shoh ha ki kynhun bar jylla bad dei na kata ka daw ba ngim kwah ba u nongwei shisngi yn shu Kam trai bad ka dei na ki Bor bahalor ki nongshynshar ba ki pyrkhat tang ialade bad ka long kaba sngewsih ban iohi ia ki para Khasi Jaintia ba kin shong dukan ha khmat dukan Jong u nongwei shisngi ne ha rud lynti. 

Nga dang mut ba bun kiba ieid iala ka ri pynban ha Iewduh ngin shem ki kruiñ iala ka jaidbynriew ki bun bad jyllei bha haduh ba kin Da die iala ka kyrteng lajong hakhmat u Mynderi tang ban suk ka kamai spah.

Ngam kwah ban ong eiei ia Kum kine to ieh ka khyndew ka shyiap ka sngewthuh ia u bym sngewnguh ba kan Mai pap ia uba shetkylla ia ka jaidbynriew.