Tang ka Clan Bill kaba lah ban iada pura ia ka jaidbynriew rit paid jongngi

Bun na phi ki paid nongshong shnong ka jaidbynriew kiba iakhih na ka por sha ka por na ka bynta ka jaidbynriew phim tip satia kaei kaba jia bad kaei ka daw ba pynlong iangi ba ngin iakhih na ka por sha ka por..Man kaba nga thoh ia ki symboh pyrkhat nga ju shon lang ia ka jaidbynriew namar ka jing duna ha ka imlang shalang nga shu kwah pat ban pynshai kum ka lanten jingtbeh jingshai ha ka lynti ka jaidbynriew lyngba i jingthoh barit jongnga.

K Clan Bill ba lah dei soi na KHADC ha u snem 2017 bad ba la dep phah sha Governor house haduh mynta ka dang sahkut bad ngi sngewsih ba u ba khyllie biang ia ka ne um don shuh ha kane ka sla pyrthei.

kaei kane ka Clan Bill? 

ka Clan Bill kadei ka bill kaba lah shna na District Council kumno ban ai ka jingiada ia ki Kur bad ki Kha bad ban kyndon ia ki khnang ba ki kur bad ki kha kin iada iala ka jong ka kur bad ki kha khnang ba kiwei pat ki riew shim kabu kiba thmu ban pynkylla ia ka jait ruh kim iohlad bad kiba ioh ST ruh ki dei tang kiba ioh jing pynshisha na ki Rangbah nongialam jong ka kur, bad shuhuh kum ka shongkha shongman bad shibun kiba iadei bad ka jaidbynriew.

Hynrei kumba long pat wat u shilliang duriaw ruh u ia ai jait Khasi katba mon, bad ka kur kam ju tuklar ia ka kam shongkha jong ki kynthei kiba ioh tnga dkhar bad dei hangne ka jot ka jaidbynriew. 

Ngi ju iakren ia ka jing wan buhai shnong ki bar jylla bad ka jingknieh ia ka hok jongngi ha ka jylla bad ka ri jongngi, ngi ju kren ia ka jingiohlad jong u dkhar ban shong lok jubor bad ki kynthei khasi, ka jingioh schedule tribe ki bar jylla kaba dei kawei na ki iktiar kaba pyntroin suki suki ia ka jaidbynriew.

Ka sorkar ka pdiang ia kine baroh khlem jingpyrshah namar ki biang ki kot ki sla kiba ki ioh na District Council bad ka District Council ruh ka pdiang bad ka hap ban pynbiang namar ki biang ki kot ki sla ba ki ioh na poh shnong bad na ka kur jong ka kynthei Khasi kaba ki ia shonglok.

Dei namar kata ka daw ban pynkhlain ia ka kur jong kiba don hapoh ka bri u hynniewtrep dei tang ka District Council ba kan pynmih biang ia ka Clan bill sashisien ba lada ka long khaw ka jingbuh kyndon ia ki ki kur ki kha kan kham long kaba skhemn ia ka jaidbynriew bad kum ka riti dustur hi dei ban bud bad kin shah kem ne pynshitom lada kim lah ban tuklar ia la ki Kur bad ki Kha kiba pynkhein ia ka ain ka jaidbynriew khamtam ia kiba ioh tnga dkhar.

Shuh shuh lada don ka ain kaba teh ia ki Kur bad ki Kha katkum ki kyndon kamut ym nym don shuh ki poiei kiba ioh Schedule tribe ha ka jaka Khasi ne jaintia bad yn nym don shuh kiba ioh tnga dkhar bad yn nym don shuh kiba ioh iaid laitluid kum ba iaid ki poi ei mynta ha kane ka bri jongngi mynta.

Dei namr kata kadaw ka KHADC ym ba kan shu shong kli kti hynrei haba ka ophis u Governor ka lah pynphai ia ka bill ki lah dei ban nang pynjanai(amendment) bad shisien ka sngi ngi sngewthuh ba kan urlong lada baroh ki MDC kiba don hapoh u pud u sam ka ri Khasi ki ia mynjur bad sgewthuh jingmut. kumjuh na ka liang ka JHADC ka hap ruh ban bud nudsa ia ka KHADC ym ban shu ia rhah ka iaknieh shuki haba ka kam iada jaidbynriew pat kam don.