Lait shibun ki kam ha ki Block level

Kumba long haduh mynta ka jingbun kiba kyrduh kam ki samla ba lah pass ha ki kyrdan bapher ki nang kiew na uwei u snem Sha uwei pat namar ka jingduna palat ki jaka thep Kam lane ki jaka ba pyllait Kam ha kiba bun ki tnad.

Ym dei ba Duna Kam lane ba ym don Kam hynrei ka jaka kaba ngi ju tip paidbah lyngba ki lad bapher bapher bad kaba Shai ka rukom pynbna (notice) kaba Kham Shai bad kylluid ka por ka dei tang ka DSC district level bad ka MPSC state level wat la katta Ruh kine ki slem bha ban pyllait notice kumjuh ia ki jingpynbna bapher bapher kiba ki samla ki angnud bha bad na ka daw ka jingslem bad ka jingsuki ki nongtrei ka pynjlep bad pynduh mynsiem bha ia ki samla thepkam bad katno lei ka kabu haba don kane ka khlam.

Ki Kam ki jam ha ka jylla Meghalaya jongngi Kim Duna satia hynrei Shu long ba ki Kam kiba lait kiba kham tip paidbah eh tang ha ki district level bad state level lait nangta ym ju don ki jingpynbna lane notice haba lait kam ha kaba iadei lei bad ki Block Level. Ha ki Block level don shibun ki Kam kiba lait kiba ym don jingpynbna lane ki exam kumjuh bad interview bad kaba Kham jakhlia bad kaba kham pahuh ki Kam ngan Ong ia phi ki bun ha ki Block Level.

Ha ka jylla jongngi don kumba 42 tylli ki Block bad man u snem ym  Duna ia ka 2 ngut ka post ba lait ha man ka Block bad kine ki post lane ka jaka ba thylli ki dei bunsien Da ki contract system bad nga nud ban tuklar pat ba ka dang hap pat ha ka Public lane Government service.

Ha ki Block Level ym ju don Notice lane jingpynbna ha kaba iadei bad ka Jing lait ka Kam bad la Shu pyniaid katba mon Da u Chairman bad BDO Jong ka Block uba dei bunsien Da u briew u nongmihkhmat bad ka jingthepkam Ruh Kam dei Da ka Merits pynban Da ka Politics.  Bad haba thep Kam Ruh imat tang ki briew lajong lane ki ba na kajuh ka party.

Shuh shuh ban ia ka District Level ngi lah ban Ong ba dang lait shibun ki Kam ha ki Block Level namar ka Jia man ka snem ia baroh 42 tylli ki Block bad Kam ju don interview lane exam ia ki nongthepkam bad dei hangne ngi iohi balei ba ka Development Jong ka jylla ka hiar dei namar ba ki nongtrei Jong ka Block Development office bun hi Kim dei ki expert lane kiba long fit ia ka Kam katkum ka quality bad ka qualifications bad dei namar kata ka daw ban synshar ka Politic ia ka Recruitment kamut ka bym lah ban long lane ngin dang iai sahdien.

Ym tang ha ki Block level. ka Jing bym Shai ki jingpynbna lait Kam Kum ha ki tnad Health centre, PHE, MeECL, Civil Sub Division, BADO, PWD,  ICDS bad shibun ki tnad treikam khatam Sha ki nongkyndong kim ju don jingpynbna lane ka jingpynbna kaba Shai bad bunsien Ruh kiba rung Kam bun kiba Shu rung khlem don exam bad Interview.

Lyngba kane ka Sla nga Shu pynpaw katkum ka jingiohi ia la kajong ka khmat bad haduh katno ka jylla bad ka development ka dang hiar Lada ka recruitment policy ba thymmai Kam urlong lane ban teh lakam ia kiei kiei bad Lada kane ka iai bteng kamut yn nym don satia ka jingkiew pyngban ka jinghiar ka jylla.