Teng teng ki kotkhubor ki Shu pynbiej tang ha ki headline ban dup iaid ka die

Ki nongthoh khubor ha kine ki sngi teng teng ki lah Shu pynwandur jubor tang kumno ban pyn phalang ia ka mat ba kongsan kumjuh ka kyrteng Jong ka khubor tang ba Kan kham iaid ha ka Iew wat la Kam Da dei than ka khubor ba phylla lane kaba Da donkam.

Teng teng ngi lap shibun bha ki khubor hamsaia bad khubor thok kiba ki nongthoh kotkhubor ki wanlam na shabar tang ban iaid ka rukom die. Bad Duna Ruh kiban wad jingtip ia kine namar ki dei ki jingjia kiba Jia na shabar Jong ka ri.

Shuh shuh don Ruh ki khubor kiba lah Shu thok bad Shu pyniapmat tang ha ki Heading bad headline hynrei ynda pule ym lap jingiahap katkum ka mat bad teng teng lah Shu shim bad sot kyntien nangno nangno tang ban pyn lyngngoh ia ki Nongpule ba kin dup pule.

Kumjuh ha ka imlang sahlang teng teng ki kotkhubor ki wanrah jingsyier ia ka imlang sahlang lyngba ki khubor thok kiba pynsaphriang na kylleng ka pyrthei kiba pyntieng pynsmiej ia ka jingim briew khamtam iangi ki ritpaid rit mynsiem.

Ha kaba iadei bad ka Politic ngi lah ban sngewthuh Shai kdar Ruh ia ka Liang kaba ka kotkhubor ka don bynta la ha ki editorial ne ha ki khubor ba ki shon bad katno lei Lada dei ia kiba pyrshah Kim lah khlem Da klet ban shon bad don Ruh ki bym ju shon Lada ka dei ha ka Liang lajong.

Ngin nym jer kyrteng hynrei don ki khep khep ba ki kotkhubor ki dei kiba kynshoit ia ka jaidbynriew bad iapher jaidbynriew bad ngin sngap lei na ki kotkhubor ba na bar ngin lap Beit ba ki long pyrshah bha ia ngi ki ritpaid bad ngi lah ban sngewthuh ha ki rukom shon.

Ha ka ri jongngi Ruh ngi ju Shem bad kiba pyrshah ia ka jaidbynriew jongngi ki ju ialeh ban shon khubor kaba long wad daw ia ka jaidbynriew ban pyn ia shrut para Khasi bad ban ailad ban iada ia u ba ki ieid bad thoiñ.

Bad nangne shkhmat ngi sngew dei ban ong ba ka sorkar lane ka tnad DIPR ka lah dei ban hukum ia baroh ki press media ba Kim dei ban shu flash jubor ia ki heading lane ban shu pynshongshit jubor ia ka khubor khlem nongrim namar ka Jing saphriang ki khubor thok bad ka Jing kynshoit lyngba ki editors tang ban iaid iew ki khubor teng teng ngi lap pat ia ka jingsngewsih hadien.