Dei ban pynduh Noh ia ka kyrteng, Laimu, Police Bazar, Bara bazar, Alu kudam, Garikhana, Jhalupara.
Ka jingkynrei ka ktien nongwei bad ki kyrteng jaka ki bym don jingmut ha ka ktien bad ha ka thoh ka tar Jong u Khasi ka dei ka kabu kaba pynhiar arsut ia ka riti dustur Jong ka jaidbynriew baroh kawei.
Kat nang mih ki sngi ki por ki iaid dap tang ki briew kiba ialeh ban iaid lait na ka riti ka dustur bad ban ia beh ban ia bud ia kiwei bad ka jingkhyllew ka jingsarong mynsiem ba yn ioh pyn ryngkat dor bad ki wei ki bynta Jong ka pyrthei wat haba ialade dang hap hapoh ka jinglong riewlum ritpaid (tribal) kiba ki nongshongshnong ka ri India na sepngi ki dang mutdur ba ngi dei riewkhlaw.
Ka jingkhot jingkren ki ia beh ban bud ia ki nongwei shisngi bad wat ia ki jaka puta Ruh ki dang khot dang jer Da ka kyrteng nongwei wat Lada la dep don Da kawei pat ka kyrteng Khasi Ruh.
Ki shnong bad jaka kiba ki Khasi ki sngewtynnad ban pyndonkam ki long ka Police Bazar ha ka jaka ka 9Lad, Ka Garikhana ha ka jaka ka Lumdiengjri lane ka khap Mawprem, Ka Bara bazar kaba khot ia ka Iewduh, Laimu is ka Laitumkhrah bad kiwei kiwei Kum ki Qualapatty, alu kudam, bad ia ka shnong Jhalupara ba don Da ki Khar suda ka Munipal bad ka Hima Mylliem ka dei ban tuklar kat dang dei hapoh la u pud u sam ka jaidbynriew.
Ngi long kiba sngew sarong ban ia jer Da ki kyntien nongwei khamtam ha ka ktien dakhar kaba ym sngewtynnad satia. Bad dang khaml Da ka Ktien Phareng namar ia u dak thoh Ruh lah shna Da u phareng shuh shuh ba ngin Shem ba wat ka Official language ka jylla Meghalaya kaba kynthup ia lai tylli ki jaidbynriew ( major tribe) ka dei ka ktien phareng ne ka English Language.
Bad ba nang Kham Jan ka shah kynthup ha ka khyrnit kaba 8 (8 schedule of constitution of India) ngi la dei hi ban ia kren Beit lane jer Beit Da ka Ktien Khasi wat haban Da soit Da shor ne kñia bad Khriam Ruh iaid Kam iaid daw hi Da ka Ktien Khasi bad Lada ia u Khasi la pynbaptis ha ka kyrteng Khasi hi te u long uba shongprah shongshang Kum uwei na ki Khun ehrngiew rangdajied ka jaidbynriew.
.jpeg)
Comments
Post a Comment