Ha nongkyndong ka Scheme jingiarap kaba ym Duna Da ki phew lak man u snem, hynrei haba ioh nongialam ki ba kner pat.

Haba ia kren ia ka roi ka par ha ki thaiñ nongkyndong bapher bapher ym donkam than ban Da leit ud leit nam Sha kiwei ki jaka ne Sha u nongmihkhmat namar ki shnong kiba dang hap hapoh ka jingpeit Jong ka Block development Office ki don shibun ki lad jingiarap lait Noh ki shnong ba peit Da ka Sorkar lane ka Municipal.

Ki scheme Kum ka scheme ing Baduk (PMAY), ka scheme painkhana (Swachh Bharat Mission) ka scheme ia ki nongbylla sngi (MNREGS) bad kiwei kiwei ki scheme Kum ki scheme shah pynjulor ha ka Mariang, scheme iap lok, scheme Jong ki kynhun samla bad kiwei kiwei.

Kaba Kham heh duh na kine ki jait scheme ka dei ka MNREGA ne ka Mahatma Gandhi Rural Employment Guarantee Act (Scheme) kaba la mang thik tang na ka bynta kiba bylla sngi ne ki bym don Kam don jam Da kaba wanrah ka song pisa na ka bynta ba kin trei ha la ka shnong lajong lyngba ki project bapher bapher katkum ka jingdonkam ka shnong Da ka jingiamynjur lang ki nongbylla Jong katei ka shnong hi.

Ka song pisa Jong ka sorkar pdeng ia ka tei ka scheme ka shong ha ka project ne katkum ka jingheh Jong ka project kaba donkam Da ka shong bad kiba bun hi Kim Duna ia ki phew lak bad don Ruh kiba poi Da ka 40 ne 50 lak. Ka nuksa ki jingtrei Kum ki lynti iaid kjat hapoh shnong, ki nala um, ki tangki um, ki jaka sait jaiñ bad jaka sum, ki surok rit, ki madan ialehkai, bad kiwei katkum ka jingibit ki nongbylla lane ki nongtrei na katei ka scheme.

Ban Shu ia kren ia kata ka roi ka par ne ka development ngi sngew ban Ong ba ka development ka la don lypa kaba ju wan poi man la u snem khlem pep bad Ym tang katta hynrei kaba Kham sngew tynnad ka long ba ki nongtrei Ruh kin dei tang na Kato ka shnong hi.

Shuh shuh haba lah heh pat ka pisa Ruh napdeng ki spah shnong don pat ki shnong kiba Duna ki riew nang riew stad kiba teng ynda peit ia ka shnong I dap tyrkhong bha namar bym don ka roi ka par hynrei jingshisha ka don tangba don ki nongialam pat kiba mushlia. Don shibun bha ki shnong kiba shah pynduh ia kane ka scheme tang na ka daw ka Kam Bamsap bad don Ruh ki khep ba paw ha ki kot khubor bad wat ka BDO office Ruh ka don kti ban pyllait pisa khlem ka jingtrei kaba biang.

Namar kata ban ia kren hi ia ka development dang bun ki jingmyntoi bad lad jingiarap ha ki thaiñ nongkyndong hynrei sngewsih pat ba don ki shnong kiba Lui Lui hynrei ki Shu shaniah Beit tang ha u Nongialam katba u Leh bad ha kaba khatduh ka roi ka par ka dei kawei ka mat kaba ngi ju iakren ha kane ka juk bad Lada ioh ki nongiakam kiba biang tang kata ka jingphuh jingphieng ka shnong ha ki thaiñ nongkyndong ka dei kaba ngi ju khmih lynti.