Ka Seng Khasi kaba pynneh ia ka tynrai, hynrei kam ju tuklar pat ia ka kam shongkha khleh bad ia ka tang jait

Ka Seng Khasi ne kata ka Niam tynrai u kulong kumah ban pynneh pynsah ia ka jinglong tynrai la ha ka riam ka beit, ka ktien ka thylliej, ka duwai ka phirat, ka trei ka ktah bad ha ki Kam ki jam dei lyngba ka Seng Khasi kaba la soit la shor ban pynneh ehrngiew haduh mynta mynne.

Ka jingwan ki dur ki rukom ba thymmai ha kane ka ri jongngi ka la pynkylla lut naduh ka riam ka beit ka ktien ka thylliej, ka rukom duwai phirat bad ka kam ka jam bad shibun ki jingkylla na ka jinglong tynrai sha ka jing ia bud stai ia kiwei pat.

Lyngba ka jingdon pat ka Seng Khasi ngi ju iohi ia ka dem ka duwai tynrai kaba kiba bun Kim ju da kham tip bad iohi. Ka jingshad tynrai bad ka riam tynrai la ha ki theisotti ne ki Rangdahied ngi iohi kata ka riam ha ryngkat ki paila ksiar paila rupa. Kumjuh ha ka tem ka put ka ksing ka dhah ka tangmuri ka bisli tynrai Jong u Khasi khara.

Ka kolshor bad ka dustur ka sah ka neh namar ka Seng Khasi ka don bad ka Seng ka ju don la ka leh niam leh rukom kaba man la ka snem la ka pyni ia ka jingshad hakhmat u Blei nongbuh nongthaw lane ka dem ka dwai ha u lum sohpetbbeng bad lyngba ka Seng sa don la ki Jong ki aiñ bad ki riti Shnong ha la ka duwai bad ka phirat.

Shisien peit la iohi dap jingkyrmen ha ka tynrai kaba ngi don ne mangi kum kita ki Khasi tribal ba ngi dang ksan bad don hala ka nongrim ba skhem kum ka jaidbynriew ritpaid namar wat la dei tang ki ritpaid hynrei shibun ki rukom long tynrai ki dang neh bad dang sah ha kane ka bri u hynniewtrep.

Haba ngi phai pat sha ka kam shongkha shongman Ka seng Khasi kam ju tuklar bad buh kyndon satia kumjuh ia ka tanjait thymmai kaba la Shu dap tang da ki riew shim kabu tang ban knieh ia ka hok ki ritpaid.

Balei ngi kren ia kata namar Lada ka Seng ka pynneh ia ka tynrai ka donkam ruh ban iada ia ka ba lada ka shongkha khleh ka iai jia kamut ka tynrai Kan sa kylla lane Kan duh noh ha ki liang baroh. Shuh shuh lada ia ka tanjait thymmai ka iai jia na ka por sha ka por kamut ym nym don kiba tanjait na ka bynta ba kin bud ia ka tynrai kaba u Khasi u don kamut ba ki iohi ia ka spah ka jaidbynriew ha kane ka sla pyrthei.

Dei namar kata ka daw na ka liang ka jaidbynriew baroh lada kine kiei kiei baroh ki iai jia kamut ym myntoi ba ngin kreb ieid jaidbynriew ne ieid ia ka tynrai namar kitei ar tylli ki dei kiban pynum shisien ka sngi ia ka jaidbynriew ritpaid jognngi.