Ki nongialam Niam ki dei ban sneng ban kraw bha ia ka riam ka Beit Ruh haba leit jingiaseng

Bun na ki nongleit jingsiaseng mynta ki por ki leit Sha Ingmane ym Da ka jingmut ba skhem ha u  trai nongbuh nongthaw hynrei ban pyni Lem Sha ka pyrthei ba ngi don ha ka kyrdan bapher bapher la ha ka riam ne ha ki jingdon jingem bad Ym ia baroh hynrei katto katne ngut.

Hapoh Sor Shillong ngin Shem ba uba bit bad uba biang u Da sei tyneh la ka riam ban leit mane ha khmat u blei ha man la ka sngi u Blei. U bym don bapli Ruh u leit hi tangba Da ka jinglehraiñ bad Da ka jingleh rit bad hap ban iaid rit ban ialeh katba lah ban kiar na ka shah peit khmat Lew.

Jingshisha ka long kaba ittynad bad I khuid I Sani namar ka jaiñ bha jaiñ rusom ka sem ka kyrshah hynrei don pat ki jait kynsha Ruh kiba nud ban riam Da kiwei pat ki riam sepngi kiba lah ban tap Duna na khohsiew sha jrong ha ka riam ki Kynthei. Ki samla lud lei kim ju sad bad khyllong pynban ki ia pyllait shniuh her her haduh ban Da iwit ki wei Ruh.

Ka Jing pyllait met than ha ka riam haba leit jingsiaseng ka long ka bym lah ban pdiang Kum u riewngeit kristan hynrei ymdon uwei pat ban sneng ban kraw la ki rangbah Niam Rangbah ne u kpa ka balang bad kumjuh ki heh ki San, Ngam pat ju ioh sngew ba kin Ong to ki para bangeit ba kim dei shuh ban wan Sha Ingmane ban pyni ia ka riam bad ka jingdon jingem hynrei tang ka mynsiem bad ka jingngeit, jingkhuid ba shisha Jong ka dohnud kaba yn pdiang tang ia kata.

Kum ka balang bapher bapher ka la dei ban nang pynkhlaiñ Ruh ia ka riti ka dustur ka Jong u Khasi bad ittynad shisha ba don kiba ju kyrshah arliang ne sem shilliang namar ki dang sngewthuh ban hap Da kyrda ia ka long rynieng bad ban tap Da ka tapmoh ne ka jaiñ shor na khlieh Kum ka dak burom ia u briew ne ha ka dwai ia u Blei.

Pynban ha ki jaka sor Lymda don ki sut bad ki Paila ksiar ki loket ba rem dor wat wan iatur namar kiba shah shlan ban peit ibeiñ ka long kumne harum. Ka jingriam lyngkot bad paw doh than ha ryngkat ka Jing pyllait shniuh Lada dei kiwei ki jait Niam Kum u Hindu ne Muslim lah shah pynshitom katkum ka jingsngewsih u Blei.

Dei namar kata lyngba kane ka Sla Ko ki nong pyniaid Balang bapher bapher ba ka Jaidbynriew Jong ngi ka dei kaba kyrpad to shim lang ia ki lad ki lynti ba ia ka riam Khasi ne ka kyrshah shilliang bad arliang ka Kham bit bad shongkun shibun ban ia kiwei pat ki riam kiba pynpaw bun ia ka met bad sop tang khyndiat ia ka met ha ki jaka Mane Blei Jong ki Balang Kristan bapher bapher.

Namar ban peit ha kiwei lait na ki Balang Kristan um don kiba riam khyllah ne jyndong, hynrei ki da tap kyrda la u shniuh Da ka jaiñ bad katno lei ia ka long rynieng haduh sla kjat. Ko phi ki Kynthei Khasi Da burom ia la ka rynieng Da kaba sem arliang ne shilliang na ka bynta ka jingshngaiñ ka longrynieng kumjuh ia ka jaidbynriew ba Lada ki iai bteng Da ka riam naduh na Ing kaba ju mane Blei ne ka Ingmane ka long ka jingshngaiñ ym tang ia ka ing ka sem hynrei ka balang ka jaidbynriew ruh kumjuh.