Jied shilliang khmat ki nongjied ia ki player ban iakhun Meghalaya Game

Yn nym kwah ban kdew ne pyn thohbria iano iano hynrei kyllum lang beit ia baroh ba ka jingjied ia ki samla ialehkai na ka bynta ka Meghalaya Game kaba la sdang naduh ka 2 tarik haduh 6 tarik May 2022 kam long kaba khuid ba suba.

Ka jingpynpaw ba ka long ka bym khuid ka dei ba hadien ba don shibun ki riew donsap ban ialehkai hynrei ki Shah kyntait bad Shah weng na ka jylli ban mihkhmat na ka district. 

Jingshisha la kumno kumno ka Ophis Jong ki District Sports office baroh ki la dei ban conduct shwa ia ki competition bad tournament na ka bynta ban ioh jied bha hynrei kumba ioh jingtip ka long ba ym don kum kata bad la Shu khot tang ka trials tang 1sngi ne 2 sngi ka bym lah long ban ithuh ia ka sap Jong ki samla.

Kiba kham bun kiba Shah jied na ki district bapher bapher sha ka Meghalaya Game ki dei tang kiba don lypa bad kiba la ia ithuh lypa ha ki Sports association bapher bapher kum ha ka MFA, MCA, RMA,MBA bad kiwei kiwei bad na ki Academy bapher bapher ba la ithuh bad ithuh bha da ka Ophis Directorate lane ka Meghalaya State Olympic Association.

Hynrei ban ong shisha ia ki khynnah bym don Pisa ban leit academy bad ki samla kiba duk bym don Bai kali ban leit trial kam ju don pat na ka liang ka Ophis ki DSO ban twad sha ki nongkyndong namar ba jubor ka alhia.

Shuh shuh ban ia wad ia ki riew donsap kam shong eh ha ka trial 1sngi ne 2 sngi ne wat kiba don tyngka ban leit ha ki Academy hynrei lada ka tnad ba dei peit Kan pynlong shwa ia ki sports event ha ki Block level khamtam sha ki thaiñ nongkyndong ban ioh jied janai bha ia ki riew donsap ba shisha ban mihkhmat pat na ka district.

Namar teng teng ka kam ialehkai ngi ju paw lyngba ka lad bad ka jingplie lad ym na ka sap. 

Namar kata ba lada iakren ia ka sap don shibun ki riew don sap tangba uba kham paw na kisap dei tang uba don ka lad bad uba Shah plie ka lad.