Ym don ba pynshlur sha Civil service, lada stad ki tip tang Doktor, engineer

Ka rukom pule puthi ka dei kawei na ki lad bad ka kabu kaba lada napoh ka ri Khasi jongngi don shibun kiba nang bad kiba tip hangta suk ban iada na kiwei ki jaidbynriew kiba thmu ban wan tyllep ha kane ka ri jongngi.

Don ki jingpule kiba pynsngewkhraw ia ka Ing la sem bad ka ioh burom bad akor naba ki long kiba stad don ruh kiba Pule ja ki laiñ kiba heh baheh kiba lehse bun ba ki hap leit trei sha bar Jong ka jylla.

Ka jingsah dum ka jaidbynriew ka jingmih ki jingiakhih bad ka jingsahteng ki kam kiba ka jaidbynriew ka donkam ka long bun bha bad ka jingeh hi ka long ba napdeng ki Khasi Jong ngi kim don kita ki Civil service servant kiba pass na UPSC laitnoh 2014 bad marwei arngut ha ki snem kiba mynshwa. Lait nata Jan 10 snem ym don satia kiban poi sha katei ka kyrdan.

Haba wad bniah ba balei Ki civil Services ki duna bha bad bunsien hap wanrah da ki dkhar ba na bar jylla lane Shu nominate iaki senior government servant sha ka kyrdan Civil service kaba teng teng ka wanrah jing eh ia ki paidbah namar kiba shu sieh bad kiba da pass tikna ki pher hi.

Bad Haba lap ia ka daw ka long ba ha ka por ba ki Khynnah ki leit skul ki ju Shah pynshlur ha ki Nonghikai ba lada ki stad ki dei ban leit pule ia ki laiñ doktor ne enjineer bad kiba sngewlah ban kynjoh sha kata ka lynti katno ki sngewkhaiñ.

Shuh shuh wat haduh ha ing ha sem uei ban pynshlur lane ban ai buit ba u dei ban leit da ka civil services hynrei lada ki la ikop ki la phah pule doktor ne engineer wat la dei kita ki 10 ne 20 lak ki jingsiew.

Ym pat don ba sngewthuh haduh katno ka kordor ka kam civil services bad ngi tip ba ngim sngewtynnad ban Shah control ha ki poi ei kiba shong ha ki Public Administration bad teng teng la long thik kumba wan synshar da u poi ei shisngi ha kane ka ri Khasi jongngi.

Bad dei hangne nga Shu kwah ban pynpaw ba ki Nonghikai Kim dei than ban pynshlur ia ki khynnah tang ha ki laiñ Doktor ne Engineer ki dei ban sngewthuh bha ba la donkam ban pynshlur ruh ba kumno ki khynnah kin pynkhreh ia ka Civil services Exam kum na ka bynta ki AIS, IPS, IFS bad kiwei kiwei ki Indian Service hadien ba ki la dep jingpule degree la ha kano kano ka stream ruh.

Namar naduh u 2014 haduh mynta ym pat don u ba pass ia ka exam Civil service na UPSC bad haba wad jingkheiñ ia ki doktor bad Engineer nga tharai da ki spah ngut kiba pass naduh u 2014 haba kheiñ kyllum.

Ki nonghikai ki kmie ki kpa da sngewthuh bha ba ka jingshngaiñ ka Lawei ka synshar ka khaddar hapoh ka Ri Khasi ban lait na ka ieng surok ki samla Khasi, ka iawang maw ka jingiakhih bapher bapher dei tang lada don shibun ki Civil service kiba napoh ka ri Khasi lajong kine ki jingjia kin nym don satia. 

Bad ngeit ianga ba lada don shibun ki Civil service nakane ka ri Khasi jong ngi wat ia ka ILP lah ban wanrah wut wut namar kumba long mynta ki Director, Secretary, addl Secretary, Deputy Commissioner ki bun ki Dkhar kiba bat, bad ki khasi jongngi la Shu sieh kyrdan jubor ymba ki la pass hynrei tangban bynrap lang ba lada ai lut ha u dkhar uba pass ia ki kyrdan ka UPSC hangta te lah kut.

Haba phai pat sha kawei ka bynta ka long ba napdeng kiba bun ki Sengbhalang ngi lap bad ngi iohi ba dei tang ka seng KSU kaba sngewthuh bad kaba pynshlur ba ki Khynnah ki dei beit ban iakhun ne pynkhreh  ia ki exam ha UPSC da kaba plie  lynti ia ki lyngba ki lad jingiarap na ka seng namar katei ka seng ka la dep iaid lynti bad ka la sngewthuh ba haduh katno lada don ki issue ba hap phai bad haduh katno ka jingeh namar bun ki heh ophisar IAS kumjuh IPS ki dei ki khyllahjait bad lehse kine kin long diengpyngkiang bha haduh katta katta bad Jin da ioh u Jong la Jong tang ban iakren ruh don ka jing ia sngewthuh.