U bah Teibor u dei tang u Nongsam khiew sam pliang, ym u nongshong Dorbar

Bun na ki nongmihkhmat khamtam kiba dang thymmai ki ju pyn iapmat ialade bad pynthame jubor sha ki paidbah da ka jingsam khiew bad jingsam Pliang tangban ioh kata ka jing iaroh lane ka jingshaniah na ki paidbah.

Hynrei u nongmihkhmat paidbah kam shong eh ha kata ka shong kumno ba uta u nongmihkhmat u long shisha u dap shynrang uba shlang ban ang ha Ing Dorbar na ka bynta u Paidbah.

Kumba long u Bah Teibor Pathaw u MDC ka Mawlai constituency ngim Shem la iohi ba um dei u riew kren lane u riew ieid ia ka jaidbynriew kumba ngi iohi ha ki dorbar thawaiñ hapoh District council ngim ju iohi ba yn dei uta u ban kren kumno ban iada ia ka jaidbynriew lane kumno ban pynkhlaiñ ia ki aiñ kiba don ha ka Council ne wat kiba thymmai ruh.

Ban long nongmihkhmat kam shong ha ka jingsam khiew sam pliang, ong u President Rangbah ka KSU hynrei ki paidbah Kim dei ban Shah ialam bakla bad haba jied nongmihkhmat dei ban jied ki riew shemphang kiba tip ia ka aiñ kiba tip ban pynbor ia ka dorbar ba dei ban wanrah ia kine kitai kiba iada iangi.

Kum ka ILP ha district ngim lap ba ki nongmihkhmat ki kren ia kane bad ngin Shem ba ka Dorbar aiom pla tyngka pat ka Shem por namar bun kiba shim bynta ha katei ka mat. Hynrei haba ia kren ia shibun ki Amendment bill lane kita ki return bill bad ban pynkha lane shna thymmai haduh mynta ngim pat iohi.

Don ruh kiba leit Sam pliang tang ban ioh shondur, don ruh kiba leit tang namar ka burom ka nam hynrei ka mynsiem iarap ne ka mynsiem ieid jaidbynriew kam don.

U Bah Teibor Pathaw u ban ieng na ka Party NPP ha u snem ban wan 2023 uba la pynkhreh shaid shaid ia ka campaign ka jong u lyngba ka jingsam khiew sam pliang bad ngim pat ju iohi na u ban un ong ba lada nga long kum u MLA ngan kren tyneh ia ki amendment bill kiba sahkut ha central lane ha ka jylla ne ha Governor house ban nang pynjanai wat ia kiba la don lane ban withdraw biang ia ka MoU lyngba ki paidbah lane ban kren ia ka Employment policy kumjuh ia ka Reservation haduh ka Education planning, hynrei na ka liang utei u MDC Ban iakhun ia ka MLA u pynpaw pynban ba la da jop leilei ia ka MLA yn nang kham pynjur shuh shuh ia ka jingsam pila Sam shamoit.

Ngan iathuh ia phi ka jaidbynriew kam donkam ia ki Nongsam khiew sam pliang ka jaidbynriew ka donkam ia ki nongshna aiñ kaba biang kaban lah ban teh lakam khamtam ia ki briew ba na bar kiba ju tuklar ia ka khaii ka pateng ka kam ka jam kaba pyn kordit pat iangi bad lada kine kiei kiei baroh ki urlong ngi la long lypa kiba pahuh padhai kiba bit kibabiang ha la ka ri lajong ka ri shongprah shongshang ka ri kaba ieid ki blei kaba ngim don kam satia ia ki Nongsam khiew sma pliang.