Ban kren Hindi hapoh Assembly ka jylla Meghalaya ka dei ka jingsdang ka BJP ia ka ain UCC
.jpeg)
Kumba ngi tip baroh ba ka ktien kaba pyndonkam paidbah ha ka jylla Meghalaya ba don lai tylli ki ritpaid kata Khasi jaintia bad Garo ka dei hi ka ktien Jong kitei lai tylli ki ritpaid riewlum (tribes)
Hynrei Kum ki kyndon ain ban pyndonkam kyllum ha ki jaka pule ha ki tnad Sorkar bad khamtam ha ing dorbar thawain ka jylla la mang bad lah ithuh ba dei ka ktien phareng kaba lah ban pyndonkam.
Namar kata ka ktien pura ban iakren ha kitei ki jaka ne ka Official Language Jong ka jylla Meghalaya Jong ka dei ka ktien phareng ne ka English language ba wat haduh ing Dorbar Thawain ka jylla la bit ban ia kren.
Hynrei namar ba kata ka sorkar ba la ialam da ka BJP kaba mut ka jingangnud Jong ka BJP ka long ban pyndonkam da ka ktien HINDI ha baroh kawei ka ri lyngba ki ain bapher bapher ka la sdang ban pynurlong.
Namar ba ka BJP ka don ka thong ba pynkylla ia baroh sha ka Hinduism la wanrah khnang ia ka ain UCC na ka bynta ban pynkhreh lane pynkylla ia ka ktien ha baroh kawei ka ri.
Hynne ka sngi 20 tarik u March 2023 ngi la sakhi ba u Lat ka jylla Meghalaya u la kren ha ing dorbar thawain ka jylla Meghalaya da ka ktien Hindi ba kane ka pyni ia ka jingsdang thombor Jong ka BJP ia ka jylla ritpaid jongngi.
Nalor kata la sngewthuh ruh ba ka dei shi bynta ka lynti iaid katei ka ain UCC ba lehse lyngba ka jingshna Sorkar ka NPP bad BJP ka lah ban urlong ha Kane ha jylla Jong ngi lyngba ki dak ki shin kiba la paw mynne ka sngi.
Mut ban Ong ba ki paidbah ha jylla Meghalaya ki bun hi ki dei ki Kristan bad ki ritpaid riewlum kim sngewthuh pat haduh katno ka UCC kan ktah ia ki namar ki la pynjop biang ia ka NPP, BJP bad UDP.
Comments
Post a Comment