Hadien ba la hap siew 800 man ki khynnah class 12. Sa ka kwah burom ka NPP ia ka CUET hana ba ka dei ka NPP ba .........
.jpeg)
Artikel lyngkot
Ka Jingduhnong ki khynnah pule class XII ba dang shu pass bad ruh wat kiba fail ruh ki hap ban siew 800 tyngka na ka bynta 3 subject ban ioh leit pule degree ha kine ki taiew bala dep bad ruh ka jingduhnong ka long ba wat tang ka result ruh kam pat mih ki hap ban siew sa 800 sha ka NTA ban ioh thoh ia kane ka exam CUET.
Lada na ka Liang ka sorkar ka pynbeit da kumwei kata hadien ka result HSSLC khnang ba ki ba pass ki sngewthuh ban leh ia kaba don kam hynrei tang ka result kam pat mih la hap siew shwa 800 tyngka sha ka CUET.
Kaba ar pat ka long ba ki khynnah namar ka jingkwah ban bteng ia ka jingpule bad ka jing bym pynkhreh janai na ka liang ka sorkar ka wanrah shibun ka jingeh ia ki khynnah pule ba kin leit khnang sha sor tang ban thoh ia kane ka Exam kaba lehse ka jinglut kan long bun shah.
Bad kaba lai ka long ba hadien ba la dep siew, hadien ba la dep pynlut da ki hajar tyngka uwei u khynnah ban thoh ia ka CUET bad mynta ha shwa ban sdang ka Class Jong ki khynnah ha ki College bapher bapher ka sorkar ka pynban ba ka CUET kam trei kam shuh ha kane ka Jylla.
Bad ha kaba khatduh ka jing bitar ka long kaba palat namar ki khynnah ki shu siew kai ia ka pisa pynlut kai ia ka por bad mynta ka shu long leh nohei khlem Kano Kano ka jingmyntoi.
Ka pisa ba ioh lum lyngba ka NTA kam Duna da ki khlur tyngka na ki samla ba lui lui hynrei sngewsih ba shu syndet syndet la shukor da kaba weng noh ia kane ka CUET.
Kaba kham thamula ka long ba na ka Liang ka sorkar kam lehraiñ pynban u Myntri Rangbah da ka jingsngewkhaiñ u la pynban ba la weng na ka Jylla Meghalaya ia ka CUET.
bad kane ka jingweng kam don jingmut namar la dep siew ia ka pisa.
Shuhshuh na ka Liang ki samla Jong ka Seng NPP ruh Kim lehraiñ satia pynban ki mih shakhmat da kaba iathuh khyllew ba ka sorkar ka la weng bad lah ban ong ba ka NPP ka jong ki ka lah ban leh.
Phewse Lada ka sorkar ka lah ban pyndam ia ka CUET ha kane ka Jylla Jong ngi shwa ban kin pyndap ia ka form bad ban siew ia ka pisa kaba 800 tyngka shaneng uwei u khynnah sha ka CUET kan long ka jingiaroh ia ka sorkar hynrei Lada yn da haba ka por bad ka pisa lah pyllut mano ban iaroh.
Imat kine ki samla na ka seng NPP Kim pat da dei than eh kiba sngewthuh ia ka jingeh namar ka kwah burom palat khlem da tip ia ka tynrai jingeh ki samla pule tangba weng ka Sorkar ia ka CUET ha Kano Kano ka por ruh ka long kaba biang hi tharai.
Lehse kan ktah khyndiat ba ki College ban shim Admission ia ki khynnah ha ki Under Graduate level ba hap ban peit ia ka Scoremark Jong ka CUET. Hynrei Lada ki khynnah ki a stad lehse ka Scoremark Jong ki ka iajan hi bad kiba Duna ruh kan Duna hi.
Ka jingkylli pat mano ban siew Bai lutksan ne kan shu kut tang kumto hi. Bad jingshisha kitei ki party Kim da dei than eh ban sngewkhyllew pynban Lada ki lah ban shimkhia ia ka bai lut ksan kan long ka jingiaroh.
Play Game and Earn Real money. Click the link below to earn instantly
Comments
Post a Comment