Hap husiar na ka Mariang khamtam ia u Khar Bangla ba ioh kiew na kine ki jaka

Artikel Lyngkot.

Ka mariang ha kine ki sngi kan long kaba thut bha ha kane ka jylla jong ngi namar u er lang thari na shathie ka duriaw bah Bay of Bengal uba iaid lyngba ka Bangladesh bad uba don mynta ha Banladesh syndah ka jylla jongngi ba wanrah ia ka jingjur slap ha kane ka jylla.

Ka jing julor ka mariang ka jingneh u slap ka wanrah jingma ia ngi shi katdei khamtam kiba don ing sop shilliang kiba lehse kan don ka jingma, nalor kata ka jing twa ki khyndew ka jingdkut ki lynti ki synkieng ka wanrah shisha ia ka jingma iangi. Nalor kata ka jing khyllem ki dieng ki siej ha ki ing ki sem bad ha ki surok ka wanrah jingma bad jing mynsaw ia ngi shi katdei.

Namar kata ha kane ka aiom ki piadbah kim da dei than eh ban da leh shlur na ka mariang namar kin sa wanrah ia ka jingsngewsih ha ka imlang sahlang bad ruh ka jingduh jong ki jingdon jingem. ka jinglong jingman jong ka ri khasi kam da dei than kum ha ri thor ba kan don ka jing shlei um hynrei ha ri khasi jong ngi da kawei pat ka rukom kata ka jingtwa jong ki khyndew ki lum bad ka jingkhyllem jong ki dieng kiba kine ruh ngim dei satia ban khein sting.

Kaba kham kongsan ka long ba katba lah hi u khar Bangladesh u da thrang dik dik ban rung khamtam sha jylla Meghalaya jong ngi lyngba ki khappud namar dang kham shngain ha ka ne ka ri khasi jong ngi ban ha ri thor. Ha ri thor shisien ba la slap lah dap tang da ka Um haduh khiewja. hynrei ha Ri khasi jong ngi, ngi dang lah ban ioh thiah kynjai wat hapdeng u slap uba jur ruh.

Ki paidbah ki dei pat ban husiar namar kum ha kane ka por kin don beit ki khar banglsesh ki ban kiew na ri thor ban sdien ban bam shngiam ia ka jingdon jingem ha kane ka Ri khasi jong ngi ha shwa ba kin poi ha sor shillong. Ki khappud border Meghalaya kiba syndah bad ka bangladesh naduh West khasi Hill shaduh East Jaintia Hill ba kin husiar ha kine ki por ba ki khar Bangla kin shim kabu khlem da tieng iano iano ban kiew soit sha ri khasi jongngi bad ynda ki por ha sor Shillong ngim lah shuh ban bishar namar ka jaka ba bun ki dkhar bad kiwei ki jaidbynriew.

Ki jaka na West Jaintia Hills kum ka Bagli, Borsora, Shipur ter ter haduh Ranikor ki briew kim dei satia ban khein sting ia ka kam buit tuh ki khar Bangladesh. Shuh shuh naduh thain Mawpyllun haduh Balat kiba dei jaka kiba ki paidbah ki hap husiar na kitei ki khar Bangladesh kiba ym lah lait man u snem ka don beit ka jingrung tuh tanba ngim lah satia ban tip. Ka thain Dangar ter ter haduh Ryngkubad ter ter shaduh Shella kba dei ruh ka jaka ba bun ki Khar Bangladesh kiba shong ba sah ha Jylla jongngi. Ka shnong Dalia, Umtaru, Ichamati ha East Khasi Hills kaba dei lypa ka ktem ki khar Bangladesh kiba lehse kine ki dei ki jaka ba ioh laitlan ki dkhar.

Nangta naduh ki thain Nongjri, Hat thymmai, Lyngkhat, Pyrdiwah, ter ter haduh Dawki, Na Dawki jong ka West Jaintia Hills sha Tamabil, Huraoi, Hangaria, Narpuh jong ka East Jaintia Hills.

Kine ki jaka ki dei kiba Laitlan haduh katta bad don ruh ki jaka mynta kiba la don ia ka jingker sainar hynrei ka jingker sainar ka long kaba tang shi stap kaba ym pat da i shngain bha.

Shuh shuh ki paidbah ki dei ban husiar bha ia kum kine ki por wir kiba teng teng ki nud wad ban iaid da ka kjat surok surok ban kiew ha Shillong. Shuh ki paidbah nalor ka Mariang ki dei ruh ban husiar nyngkong eh ia ki poiwir kiba lehse kumba ngi iohi mynta ba ki long shisha ki dieng pynkiang ia ka jaidbynriew nuksa kum ha Shillong kaei kaba jia haba la bun palat ki Mynderri ri.