Kham dakaid ka HITO bad HYC mynta ki por ban iada ri

Artikel Lyngkot

Katkum ki khubor ba paw man ka sngi na ki lad bapher bapher lah iohi shisha ia ka mynsiem shynrang Jong ka Seng HITO bad HYC ha ki kam ban pynher krad ia ki bar Jylla lane ban khynra naphang khamtam ia kiba dong bynta bad u drok.

Dang ha ki khyndiat sngi ngi la iohi bad ka HITO ka la khynra naphang bad mih sha madan ban kyndang dkhar kiba sah miet khlem ing khlem sem bad ruh ia kito kiba ju khaii bad pyniaid ia u drok.

Shuh ka jing Kem drok bad ka jing kyndang naphang ia ki bar Jylla kiba donkti ha ki kam beaiñ kiba bun rukom ha kane ka ri khasi jongngi. Nalor katei ka HITO Ngi la ioh ha kine ki sngi bad Maham khamtam ia ki nongtrei sorkar kiba leh mon palat pud ia ka kamram lajong bad ruh ka jingtuklar ha kiba bun ki bynta kiba ktah ia  ki samla Khasi jongngi.

Nalor katei ngi iohi ia ka jingtreishitom Jong ka HYC kaba kyndang naphang ia ki dkhar kiba tan light tuh bad kiba sah beain ha Lum survey khlem da ai lad ia ka jingslem ka sorkar ban shimkhia bad ruh ban Kem ia kiba don bynta ha ka kam khaii drok.

Nalor katei kine ki seng ar tylli ha kine ki sngi bad ki bnai ngi la iohi ba ki treishitom bha ban ialeh katba lah ban nym ailad shuh ia u mynderi uba wan sah beain hapoh ka bri u hynniewtrep jongngi.

Lehse don shibun ki seng bha lang kiba trei bor bah na ka bynta ka jaidbynriew ha kane ka ri jongngi hynrei ia kane kaba mynta hi ngi kham iohi ia ka jingmih ryntih kitei ki ar seng ban leh shisha ia ka ba donkam na ka bynta ka bha ka miat ka khyndew ka shyiap ha kane ka Jylla.

Bad nud ruh ban ong ba Lada shu shaniah ha ka sorkar lane ka KHADC ngi la long nongwei shisngi ja ri lajong, hynrei donbok ba ki don ki samla ka ri kiba aiti met bad mynsiem na ka bynta ka lawei ka bri u hynniewtrep.