Ba Phiel ka Karbi Anglong Autonomous Council khie bhur hi u paidbah.

Ki paid riewlum ka Karbi Anglong hapoh ka district West Karbi District ki la pyni hi ia ka bor hadien ba kuman ka Council kaba dei ka Karbi Anglong Autonomous Council KAAC ban tuklar ia ka khyndew ka shyiap namar ka hap hapoh ka 6 scheduled area. kaba  mut ka jaka ka dei hapoh ka jingpeit ka KAAC ban iada ia ka jinglong rit paid ka jaidbynriew Karbi halor ka kkhyndew ka shyiap bad ka synshar khaddar.

Ka jing kuman ka KAAC lehse ka ai mynsiem ia ki poi wir na bangladesh bad ruh na jylla Bihar ba kin buhai shnong ban shna ing shna sem khlem ki kot kiba biang ia kiba thymmai bad kiba kham slem, kiba la shu kam trai ei ia ka khyndew ka shyiap bad ruh ban wanrah ia ka jingbym shong shngain kumba ka la jia teng ha ki bnai ba la dep ba ki Bihari ki la ktah kti ia ka kynthei na Karbi Anglong.

Khlem da pynslem kumba paw ha ki kot khubor ba ka la mih ka jing ia pynpra ing bad ia baroh ki jing don jing em jong kitei ki bar Jylla bad Bar ri  ha katei ka distrik. bad ban beh naphang ia ki Bar jylla. Ka la don ruh ka jing iapyni bor hapdeng ki CRPF bad ki Karbi ha kaba bun ngut ki la mynsaw.

Ka symboh hangne ka long ba ka don ka jingdkhoh ha kata rukom synshar ka KAAC haduh ba kam da lah ban teh lakam ia la ka khyndew ka shyiap. Pynban lehse na ka daw ka jing myntoi ha ka por Election kan kham eh ia kito kiba ju ioh vote na ki bym dei ki trai ri.

Shuh lada pynher krad ia kitei ki Bihari bad Bar Jylla na Assam shaei pat kin leit mynta ne kin bsut tuh noh sha ki jylla ba marjan kum ka jylla Meghalaya kum ka nuksa. Namar kumba long haduh mynta  ka Jylla Arunachal ki Sengbhalang ki trei shitrhem bha ban beh ia ki Bar jylla kum juh ha Nagaland bad Mizoram kaba la don lypa ka ILP kaban kham eh ia ki poiwir. 

Kaba suk bad kaba jan ka dei ka jylla Meghalaya ha kaba ki District Council kim da shim ia ka iktiar ban peit thik ia ki briew ba wan  bylla bad ba wan kamai ha kane ka jylla Meghalaya.

Ban pynkut nga mut ban ong ba ka jingia kynnad ha pdeng ka Asaam bad Meghalaya ka don na bynta u pud u sam bad mynta ngi la iohi ia ka bor ki Karbi kiba la lah shisha ban pyni bor pyrshah ia kitei ki bar Jylla ba wan buhai shnong ha Assam khlem jingbit. Bad hapoh ka jylla ka jong ngi ruh kam da iapher. ki don bun ki jaka ba ki mynder ki sah hun mynsiem haduh mynta khlem ka kot ka sla kaba biang.

Artikel na u

Author