Duhnong ka Sorkar Lada kam iarap IA ki nongrep nangne shakhmat

Ban iakren IA ka ioh ka Kot ka jylla dei ka mat ba ha khmat eh Jong ka Sorkar na ka bynta ka jingbit Jingbiang Jong ki paidbah baroh hapoh ka jylla. Ka ioh ka kot Jong ki paidbah ym dei eh Tang na ka kam khaii pateng hynrei wat ha kiweikiwei ki kam pynroi spah kiba don bun kyrhai.

Kumba f la tip ba ka jylla Meghalaya jongngi kaba dap da ka spah mariang naduh ki jingthung jingtep haduh ki marpohkhyndew kiba bunjait. Ka jingriewspah ka culture Jong ki Khasi bad ki mariang ba ittynnad kiba la khring bad pynshohbiej IA kiba bun ki briew kiba na bar Jong ka jylla bad wat kiba na bar ri ruh ki ju wan iuh kjat ha Kane ka ri khasi ja jongngi. 

Kiba bun na kita ki spah mariang ki dei na Sha ka thain nongkyndong, na duh ka rep ka riang, ki Mar pohkhyndew, bad ki jingmih ba bunjait kiba ka mariang ka ai. Bun na kine ki shnong kiba ju Pynmih Kum IA u Synsar, Kwai, tympew, Slap tyrpad, Mrit khlaw bad kiwei ki dei ki thain nongkyndong bad kine ki Mar rep la ju shalan barabor Sha bar jylla kaba pyni ba kata ka jylla kam long satia kaba duk. Don pat kiba rep Soh, jhur bad u khaw kiba Kat nang mih u snem kine pat ki nang hiar man la ka por.

Kane ka pyni ba kata ka jylla jongngi ka bun bha IA kita ki Mar rep kiba kyrhai ka mariang ka la ai(Raw material) kiba la shalan Sha bar. Hynrei hapoh ka jylla jongngi don kumba 81% kiba kamai na ka rep (agriculture) hynrei ka jingdon pat ki briew kiba duk ka long 49% kiba don ha u lain Jong u Below Poverty Line.(BPL)

Balei ka long kmne?

Kiba bun na ki nongrep ki dei ba na thain nongkyndong ka Sorkar kam ju peit bha IA kine ki shnong kiba khlain ban Pynmih Mar rep namar da ki phew tylii ki shnong Kim pat don ka surok, ne kata ka lynti kaba bha, bun na ki paidbah Kat haduh kine ki sngi ki shnong kiba la don da ki phewsnem hynrei Kim pat don Tang ka surok ruh bad bunsien ki Nong rep ki hap ban kit da ka met IA kita ki Mar rep bad ynda la poi ha iew ka Mar rep Jong ki ka la rem bad hangne ki hap ban die tad na bynta ban iaid Lang ka dor Jong kiwei kiba wan nabar jylla. 

Haba kwah IA ka Development dei ban burom lane kyntiew IA ki shnong kiba khlain ban Pynmih ha ki kam rep bad ka jinghiar ki nongrep khaw hapoh ka jylla dei na kadaw ba ka dor kam iahap satia IA ka rukom trei Jong ki namar ki dang pyndonkam da kita ki juk barim kaba na ka Liang ka tnad agriculture ka Sorkar ka la phail ban treikam lane ban ai kata ka Awareness ha kaba iadei bad ka rep ka riang lane ban Tyrwa da kita ki skim nongrep bapher bapher ban pynkhlain IA ka kam rep ha ka jylla. 

Ym Tang katta ka surok hi ka long ka budlum Jong ka roi ka par, kumba f tip ba hapoh ka ri India ka jylla jongngi ka wan ba 26 ha ka GDP hynrei kata ka jingshallan pat ka long kaba shyrkhei IA ki Mar rep lane kita ki Raw material kiba Lada dei ba ka Sorkar jylla kan don hi la kijong ki karkhana kan iarap IA ka Sorkar ban pyngkhlain IA ka ioh ka Kot (revenue) bad kumjuh IA u paidbah.

Shuhshuh ba Lada ka Sorkar kan bhah shibun ki skim pynroi Sha nongkyndong kan jin da la iarap IA ka Sorkar bad ki briew.

Ban iakren IA ka jingshisha Ka Agriculture, PWD, ki long ka daw bah Jong ka jinduk ki nongrep namar ki thain nongkyndong ki long ka spah Jong ka jylla ym ka jaka Sor bad ka jingthied tiar ka jylla na bar (Goods) kan nang pynduh Nong iaka jylla hi baroh kawei.