Ka bamsap ha ka skim MGNREGS

Ha ba phai Sha ka imlang sahlang ha ki thain nongkyndong ka long ka ba donbok ban ioh IA ka lad ban pynroi la ka shnong ka thaw bad ban ioh bylla na ka bynta ka roi ka par ka shnong lajong lyngba kata ka skim MGNREGS ne ka bylla 100 sngi kaba ju khot da ki nongtrei IA Kane ka skim.

Ka MGNREGS ne ka bylla 100 sngi dei ka skim sorkar pdeng kaba la pynmih naduh u 2005 bad la lah ban pyntrei hapoh ka jylla naduh u 2007 lynba ki Block Development Office ban ai bylla ia ki shnong ha ki thain nongkyndong ha ka rukom trei kaba bun rukom bad ban wanrah IA ka roi ka por ha la ki shnong. Don kiba pynbha IA ki lynti shnong, ki Nala um, ki surok, tanki um, ba kiwei kiwei katkum ka jingdonkam ka shnong.

Ka MGNREGS ne ka bylla 100 sngi la mang tyngka da ka sorkar pdeng kaba la Kot IA ka jylla Jong ngi da palat IA ka 500 klur katkum ka jingantad na baroh 11 district Jong u snem Bala dep, lyngba ki 46 tylli ki Block Development Office ha ryngkat palat 6000 tylli ki shnong ba ioh IA Kane ka skim sorkar pdeng ka ba long man la u snem.

Kat haduh Kane ka khyllipmat ym ju don ba kylli ba lyngba ka skim MGNREGS ne ka 100 sngi kaba ju wan man u snem ha ki thain nongkyndong ha ryngkat ka Pisa kaba ym duna IA ka phew lak kawei ka shnong bad don ki shnong ba ioh 50 lakh bad kumta ter ter bad la kumno2 kata ka jingroi ki shnong ha kine ki 10 snem ka long kumno?

Haba nga peit IA kata ka skim pynroi ki MLA ka long kaba isynei namar ki ioh Tang 25 lak marwei ban pynbiang ia ka constituency kaba don da ki palat IA ka 40 shnong hynrei dang don kita ki ba wohnia wohdang ba kata ka skim pynroi u MLA lane uta u MLA uba bam sap uba ai IA ki paidbah khyndiat bad ban bam bun ialade. Lada phi phai Sha kane ka skim 100 man la u snem ki shnong ki ioh da ki phew lak hnrei hapoh kine ki snem ba la dep ki don moa kita ki shnong kiba la pynseisoh IA kata ka skim ka sorkar pdeng.

Don shibun ki shnong ha kylleng ka RI Khasi kiba shah kem ha ka ain na ka daw ba ki pyndonkam bakla IA ka tei ka Pisa na ka skim 100 sngi, hynrei kata ka jingpyndonkam IA katei ka Pisa ka dang treikam haduh kine ki sngi ruh hynrei balei kita ki riew shim kabu ki ioh IA Kum kane ka lad bym hok ban iai bteng ka daw ka long ba IA ka skim 100 sngi ka sorkar pdeng ka la bhah Tang ha ki nongkyndong, ha nongkyndong don shibun ki briew ki bym tip bha IA ka pule ka puthi lane kata ka bank account ban thep Pisa teng teng ki la shu shaniah ha ki nongpyniaid lyngba ka jinglong shisur ka Jong ki hynrei don shibun kita ki shnong kiba ynda haba ka Block Development Office is Shem ki shah kem ei. Hynrei balei mynta Kim ju shah kem shuh.

Ka daw bah Jong ka jingiatrei Lang ki briew na BDO Office bad u Chairman ne secretary ka VEC ne kita ki nongpyniaid IA ka 100 sngi hapoh ka shnong ka la pynlong ba wat IA ka jingtrei ka bym pat da ibiang satia katkum ka jingmang Pisa ruh kam don ka jingpher namar kita ki nongtrei napoh ka office BDO la shah pynbam Pisa ne ka baisha kaba la ju iohsngew khnang ba kin lah ban pyllait IA kata ka jingsiew ne ka bill ka bym la shongnia bad ka jingtrei.

Lada phim ngeit ianga sngewbha peit IA u Chairman bad u Secretary Jong ka VEC kiba pyniaid IA ka MGNREGS ne ka 100 sngi hapoh ki shnong Jong phi ba bun hi na ki nongpyniaid ki kylla riewspah ynda haba ki lah ioh ban bat IA katei ka kam hapoh shnong Jong ki bad kam long ka kam lorni hynrei haba shah ktah ka umsyep Bala mih ka shu pynlong ban peit lorni lehse ba ki bam ma ki namar Kat haduh mynta don ki shnong kiba kita ki nongbylla Kim pat ioh satia IA ka bainong la palat 2 snem, ynnai IA kren leilei IA kito ki bym nang ban seiPisa ne update passbook kiba shu phah lem ha kita ki nongpyniaid.

Kine kiei kiei baroh ki long ka jingleh sting da ka sorkar naba kata ka Development Jong ka jylla ka dei ka sur kaba hakhmat eh IA ka sorkar hynrei ka sorkar ka klet ba kata ka Development lah dep mang lypa donkam sa Tang ka Jing trei shitom ne kata regular survey khnang ba ka Pisa kan nym sepei ne ki nongbylla kin ioh pura IA ka bainong bahok Jong ki namar baroh ki briew ki kwah IA ka Development hynrei to ppeit ma phi IA kita ki shnong ba ioh IA ka skim 100 sngi kiba la ioh la 10 snem lynter hato ka don kata ka Development ne ka jingkylla Lada kam don shano leit ka Pisa manga maphi uba duk u ba suk.