Dang bteng ka jingai ST IA ki ba ioh kpa dkhar

Ha kine ki sngi kiba bun na ki nongshongshnong Jong ka jylla ki bym dei satia kiba shah kynthup Kum ki riewlum ne tribal ruh ki kwah ban kynthup lem wat Lada Kim dei namar don shibun ki jingmyntoi lada ki bar jylla ki iohlad ban registar Kum ki paid riewlum ha poh ka jylla jongngi.

Ka ST lane ka schedule tribe kadei ka syrnot jingpynshisha ba la ai Sha baroh ki paid riewlum Jong kano2 ka jaka hapoh Jong ka ri India na ka bynta ka jingithuh kyrpang IA kita ki riewlum lane ki ritpaid kaba la khot ha ka ktien phareng Kum ki indigenous Tribe. Ha ka jylla jongngi don la tylli ki tribe ba la ithuh da ka Sorkar pdeng bad ki la don la ka Jong ka autonomous District council kata ki Khasi, Jaintia bad Garo.

Ha kaba iadei bad ka jingmyntoi na ka ST ka long ba hapoh ka jylla jongngi ki ST ki ioh bhah thungkam khambun ban IA ki general bad ki OBC. Shuh shuh Lada ngi it Kam shabar na ka liang ka Sorkar pdeng ruh ka ju bhah kyrpang Tang IA ki riewlum ne tribes da kaba pynjynsur IA ka rynieng, ka rta, ka ba siew, bad wat IA ka mark kaba phi ioh na ka jingpule Jong phi ruh lah ban pynheh lyngba ka jingdon IA ka ST.

Kumjuh ha ka ba iadei bad ka jingioh ST dei tang ki paid riewlum ki ban ioh IA ka ST bad yn nym ai IA kiwei pat ki bym dei ki paid riewlum khamtam IA ki bar jylla kiba wan nabar, bad wat lada ki Khasi ki shongkha bad u bym dei satia u riewlum lane uta u bar jylla ki khun kin nym ioh satia IA ka ST kaba Pyni ba u kpa um dei u riewlum bad Kane kadei katkum ka aiñ ba la buh tyrsat bha hapoh ka riti synshar ka ri India kaba la treikam ha ki jaka riewlum lane ki schedule area ba la peit la syntiat da ka autonomous District council ha la ki bynta,

Hynrei  don ruh kiba ioh kmie dkhar bad kumjuh ki ioh IA ka ST bad ynda haba lah tohkit la lap ba ki ai jait Sha u kpa. Kane ruh ka long kaba bakla namar katkum ka Ain ka jaitbynriew lane ka district council Jong baroh 3 tylli ki District council Jong ka jylla jongngi ki la pyntreikam beit da ka Matrilineal system kamut ka ai jait kmie kaba la ithuh da ka Sorkar pdeng. Hynrei sngewsih ba kita ki nongai ST ki la shah ai lymmuh Tang na ka daw nongno re.

Ha kine ki sngi ba la dep ka jingioh ST pathar kiba ai jait kpa, kiba ioh kpa Dkhar, kiba ioh kmie dkhar ka long ka ba jyllei kaba la nang pyn troin shuh shuh IA ki trai ri trai muluk kiba dei hok ban ioh. Ka jingai ST pathar na ki Civil Sub Division bapher bapher bad kumjuh napoh DC ophis khlem da tip IA ka aiñ ka district council ka long kaba shyrkhei namar kine hi Ki ban tuh IA ka kamai jakpoh Jong ngi lashai lashisngi.

Imat Lada ngam bakla ka jingbun ki bar jylla ba ioh bhah ha ka thungkam lane ha ka bhah pule na ka bhah ka sorkar ha kine ki khndiat bnai ba la dep ka lah ban dei ba ki dei kiba la shah ithuh Kum ki Tribal ne riewlum hynrei la shu IA lyngngoh pat ba ki dei ki bar jylla namar ka bhah thungkam ka kham bun IA ki traijylla hynrei kumno ki bun ki khyllah jait kamut Lada Kim dei kiba la ioh ST kumno pat kin ioh lad ban bsuh khlieh haduh ba kin bun paid ban IA u trai jylla haba IA nujor ha ki kam thungkam lane bhah pule na ka bhah sorkar.