Khapngiah Ka jaka sor ba bun ki jaka shipai bymler Kam, Ka sorkar Ka dei ban weng

Lada ym don ki shipai Ka ri jongngi Ka don hi ha Ka suk Ka saiñ lyngba ki Khun dap shynrang jog Ka bri u hynniewtrep kiba la ai sap naduh kulong kumah u mym barim ban long shisur shidur na Ka bynta Ka khyndew Ka shyiap kumba la pruid dak da ki syiem hyndai.

Lada ym don ki jaka shipai bad ki shipai Ka long Ka ba suk ba saiñ ia Ka jylla khamtam ia Ka sor Shillong ba kin ioh lad ban pynheh shuh shuh ia ki jaka bad ban pyntyllun ia shibun ki Kam pynroi na Ka bynta Ka Ka jylla hynrei jia aiu ia kine ki shipai kiba wan leh donbor pynban ia Ka khyndew jongngi.

Ka jingdon ki shipai ha sor Shillong Ka long Ka bym I don jingmyntoi bad Ka long pynban kum Ka jingtim iangi namar ba Kam long satia Ka jingiohnong ia Ka jylla. Ki iada aiu kine iangi, Ki leh aiu kine ki shipai, hato haduh katno ki aikam aijam ia ki trai jylla haduh katno Ki iarap ia ka sor Shillong  ha Ka shongshngaiñ, haduh katno ki synniang ia Ka imlang sahlang bad haduh katno ki iarap ia kiba duk kum ha kane Ka por ba jur Ka khlam..

Ban kham Shai shuhshuh haduh 30% ki jaka ki shipai (central Defence) hapoh sor Shillong. Bad Kita ki long kumne harum. Naduh 7mer na Ka Mon haduh ophis Agriculture bad na Ka diang por leit sha Shillong naduh 7 mer haduh lad Mattilang park, na Area 101  sha duh jingkieng Umshyrpi na Ka Mon bad na Ka diang haduh lad Lummawbah. Naduh rilbong na Ka Mon Ter Ter haduh civil bad na Ka diang haduh pyrshah Angeles cinema hall bad ha Syndah Ka surok haduh khlieh-iew, sdang biang naduh lad Them bijou haduh Syndah Ka Angeles cinema bad na Ka diang sha civil hospital shaduh Jan Ladykean college bad terter haduh Jan Soso tham Auditorium, bad ngin nym kheiñ shuh ia Ka jaka shipai Kaba don ha Lum Shillong, Happy valley bad kiwei kiwei.

NGA tharai kine dei ki jaka bad Ka lad ia ki mynderi (entrance) ban rung sha Ka jylla lyngba ki Kam bylla bad kiwei ki Kam kiba kham poh (grade 4) shuh shuh ym ba kine ki shipai ki leh ia la Ka Kamram hynrei ki wanrah jingeh bad Ka huri hura ruh ia Ka jaka puta Ka Jong ngi na Ka daw Ka jinglalot bad kwah tam pud jubor Jong ki shipai Kaba la jia man Ka por ha kane Ka bri jongngi. Lada ngi peit bniah ngim da donkam shisha ia kine ki shipai te Kan myntoi aiu ia Ka sorkar ba Kan ailad bad ai jaka ia kine ki tnad sorkar ki bym don jingmyntoi satia ia Ka jylla bad Ka jaka jongngi.

Kaba sngewsih Ka long ba ha Ka por ba iakhih ia Ka ishu Themmotor ki shipai khyndew na Ka tnad Jong Ka Area 101 Ka tyrwa ha Ka sorkar ba kin iarap ia ki pulit ban teh lakam ia u paidbah bad ban leh da Ka bor pyrshah ia ki Khasi kiba don ia Ka jingiakhih na Ka bynta ban ioh hiar thma hangthie ha them motor pynban Ka lah Shah kyntait ha Ka sorkar. Kane Ka pyni ba na Ka Liang ki tnad shipai ki long pyrshah bha ia Ka jinglong riewlum jongngi.

Shuh shuh don ki jaka shipai Kiba lah Thied na Ka sorkar bad na ki riew shimet bad don bun bha ki riew shimet kiba die jaka ha ki shipai da ki phew akar bad ruh don shibun ki jingia kulmar Haba don ki shipai bad Kam long Kaba suk ba saiñ Haba don ki shipai bad Ka long Kaba ym don jingmyntoi shisha ia kine ki shipai.

Ka Jing kyrpad ia ki riew shimet ba SAH hapoh Ka bri u hynniewtrep trep ba horkit hordang ban die jaka sha ki shipai la ha Kano Kano Ka dor ruh Kim dei satia ban die namar Ka long Ka jingeh hadien bad ruh ia Ka sorkar ba ia ki jaka ba Lada long Ka la dei ban weng bad ban tuklar ia u pud u Sam jog ki shipai kiba lah klun lut ha ki jaka kiba ngim iohi shuh da ki khmat lajong.