Ka shnong Mairang ka Nuksa ia kiwei pat ki shnong kiba ai Kam ai jam para Khasi

Ngi lah iohi ba shibun ki Kam ki jam kiba don hapoh ka Nongrit Mairang kaba barabor hi kidei ki Khasi kiba trei ba ktah bad ka aiñ ka adong shnong lyngba ka raid ka Hima kiba lah pyrkhing bha ha kaba iadei bad ki bar jylla kiba wan trei ha katei ka shnong.

Ha shnong Mairang ngin nym Shem bar jylla ne mynderi uban trei Kam trei jam laitnoh ha ki ophis sorkar bad Ruh ym dei ban sah miet ha katei ka shnong. Ki Kam kiba trei Da u bar jylla ha Mairang dei tang ka Kam kaba ym don shuh napdeng ki trai ri ki ban lah ban trei hynrei wat la katta Ruh Kim dei ban sah ha katei ka shnong bad ki hap ban leit phai marmar ynda ki lah sangeh trei man la ka sngi.

Shuh shuh bun bha napdeng ki para Khasi ki ioh lad bad kabu bha namar ka jingpyrkhing Jong ka aiñ shnong ia ki briew ba nabar bad ka long kaba myntoi shisha ha ka ioh Kam habaioh jam namar ki nongshnshar shnong ki long kiba lah pyrkhat jngai na ka bynta ka kawei Jong ka ri. Bun na ki Kam ha katei ka thain lah trei Da u Khasi bad ka long ka Nuksa ia kiwei pat ki shnong Jong kane ka hynniewtrep jongngi ba kin bud ka Nuksa Lada ki kwah ba ka pateng Kan neh bad Kan bha.

Ki shnong ba jyllei ki bar jylla laitnoh na ka Sor Shillong ki long Byrnihat, Nongpoh, Lad rymbai, Dawki, Khliehriat, Jowai, Umiam, bad kiwei kiwei bad ban Shu Ong Noh ka dei ka Jing don ia ki nongshynshar shnong ki bym don ka Jing pyrkhat jngai bad ka jingbahkhlieh ia ka lawei Jong ka jaitbynriew.

Hynrei kine baroh ki lah dei ban peit ia ka Nuksa Nabha ka Shnong Mairang kaba don ia ka adong kaba khlaiñ na ka bynta u paid u raiot kampher la ka dei hapoh ka Hima ne ka Elaka hynrei haba don ia ki nongialam kiba tbit hangta don ka jingim ka lawei.