Lahbiang ka Kynthoh para Mangi ka la dei ka por ia tynrong ban ai mynsiem bad iatrelang khnang ban Thom ia ki jingeh

Kat nang mih ki sngi katta ki jaidbynriew jongngi ki nang tan tyllai iwei ia iwei kata ka lah ban dei u Khasi u Jaintia ne Garo bad Ym ju don ka ai mynsiem bad tang lah bakla kren lei ha Social media tang katta lah sngewbang eh ka ia rkhie khlem jingmut bad ka rkhie khlem Kam.

Lada dei ia ki paidbah ne ia ki riew khmat Jong ki Sengbhalang ne khamtam ia ka Sorkar. Ka Jing iabeiñ bad ka pihuiñ bad ka wad daw Kam ju kut, ka ktien Kynthoh khlem nongrim bad ka kren tohmet pyrshah ia ki nongialam Jong ka sorkar leilei ka long kaba shyrkhei wat la Kam dei kaba shisha ba ka bym ju nud pat ban mih Sha khmat pat kut tang ha social media bad kita dei ki jingeh shuh shuh kiba long arsap ki bym wanrah jinshai ia ka Jing kynnoh bad ka jingkren pynjem rngiew ka jingbeiñ ia ka long rynieng bad ia ka man rynieng leilei ka Jia man la ka por.

Kum ha kane ka por jynjar ka sohsat ngi iohi kyndiang ba u Khasi ym pat don ka Jing ia sngewthuh bad ia tylli ban Thom ia ki jingeh ki ban wan ha ka jaidbynriew pynban ki lapmiet ka kdew kti ban ka beiñ ka khoh ia kine kitai bad ka pyn lyngngoh la kat ba Kim don kti ha ka ban jied nongmihkhmat.

Ha ka jaka ban ai mynsiem ban pynehrngiew ia la ka jaidbynriew bad ban iatreilang Kam ju don. Ngin peit lei ha ki social media don tang ki Kynthoh kynthah ym ia kiwei hynrei iala ka jaidbynriew lajong ba u Khasi u long u bymler pynban ialajong dang dei u Khasi hi. Ha kane por ia kajia pud leilei nga sngewlyngngoh ha ka jaka ban iai kyntu bad iai pynehrngiew ban ai mynsiem ia ki para Khasi lane ia ki nongmihkhmat bad ban kyrshan dohiap khnang ba ma ki Ruh kin ioh ia ka Bor kumba dei ban Leh na ka bynta ka jaidbynriew. Pynban don tang ka Jing kren pyrshah ia ki para Khasi Ruh bad ka ktien ka ju Ong ba Lada ngi ia bein ne ia shun katno katno Ruh hynrei para haba Thom ki nongwei ka wan ka Jing ia tylli bad mangi pynban wat la ka um ha ryndang Ruh ngi dang ia pihuiñ bad tang ka pynduh Bor pynduh mynsiem lyngba ki ktien kynnoh ktien beiñ khamtam ia ki nongmihkhmat.

Lada ka iai long kumne imat ki long Kum u sieñ puh ia la ka Jong ka ri, bad ki don ki khep kiba ngi hap ban kren pyrshah khnang ba ka Kam Kan kylla Sha kaba iahap hynrei ban Shu ia kdew sah para mangi ngin ioh aiu lane ioh ba katta nang khih katta nang Ngam namar ngim iasnoh lang iwei kawei kampher la ki paidbah ne ki sengbhalang bad khamtam ia ki nongmihkhmat ka jylla.

Ko ki paidbah ka ri Khasi bad Jaintia ngi don ka por ia Kynthoh hynrei ym ban Kynthoh lynter pat namar ki nongmihkhmat Ruh ki donkam nongkyrshan bad ka jingrisa ba u soh jingjop ka jaidbynriew kin SA wanrah hynrei Lada ka Jing ia ñioñ iwei ia iwei ka iai bteng ym slem ngin SA duh ba Ngam Noh Shaba ym iohi shuh ia ka dak ka jaidbynriew.

Nga tharai nga thoh ia kane ym ba nga kyrshan Liang hynrei shisien ka por ba Kan SA rung ba ngin ia tylli Noh kawei ban Jop tikna ka jaidbynriew