Noh jingiarap ka Sorkar pdeng tang ia ki skul Ramakrishna ha ka jylla. Kaei Sha lyndet?

Nalor ba ka sorkar pdeng ba la ialam Da ka BJP ka la mynthi ia ka mat dawa ILP lah ar snem bad ka jingwanrah ia ka CAA ha ka ri baroh kawei bad katno ka long kaba ktah ia ki ritpaid riewlum kiba don hapoh ka jylla bad ka thaiñ shatei lam mihngi ka ri Naba kiba bun ki dei ki riewlum ritpaid.

Imat ka la dei shisha ba ka sorkar BJP ka mut ban pyn duh jait ia ki ritpaid riewlum Da kaba wanrah ia ki aiñ kiba long pyrshah ia ka jaidbynriew shuh shuh bad wat ban nym burom shuh Ruh ia ki paidbah ka jylla Meghalaya bad ia ki nongmihkhmat na ka mat dawa ILP kaba dei kaba lah soi Da ki 60 ki nongmihkhmat lyngba ka Dorbar kyrpang.

Kawei na ka Jing Leh pyrshah ba paw pylleiñ ka dei ba ka BJP ka thaw lad kumno ban pynduh jait ia ka jaidbynriew Khasi bad Jaintia jongngi Da kaba sngap mynthi ia ka hok ba ki dawa bad wat ia ki Kam pynroi ka BJP ka lah kloi ban iarap khamtam ia ki skul tang kiba pyniaid Da ka mission Jong u Ramakrishna. Bad kane ngi lah sakhi ha katei ka sngi wan Jong u Sha Sohra bad ban kner jingiarap ia kitei ki skul Ram kiba don ha Sohra, Mawsynram, Ranikor bad Shella kiba lah kot Da ka 800 lak tam ka pisa lyngba ka tnad NEC Jong ka Sorkar India.

Sngewsynei ba ka jylla Jong ngi kiba bun ki khynnah skul ki mih paw bad Kham kiew na ki skul ba la pyniaid Da ki Niam Kristan bapher bapher, ki skul Sengkhasi bad ki Skul Shnong hynrei ki kynhun skul nongwei kiba wan na ka juh ka ing ka Sorkar ki mut ban Leh donbor iangi Da kiba bun ki rukom tang ban pynduhjait ia ka jaidbynriew ritpaid jongngi.

Shuh shuh ngi dei ban pyrkhat bha bad ban sngewthuh ba katei ka Seng Sorkar haduh katno ka long bih ia ka jaidbynriew jongngi bad Lada ngi iai ailad ia kine ki bseiñ ha ka ri jongngi ngin SA Shu long Noh tang ki nongpeitkai shisien ka sngi.