Ngi duh ia ka ILP na ka daw ka politik ka party BJP ha Meghalaya

Ka dei ka jingshisha ba wat la ki kynhun Sengbhalang ki la kynduh ia u Myntri ka tnad Kam pohiing ka ri India Ruh lah bunsien ban ia kren ia kane ka mat hynrei Kam poi shano shano bad ka pyni ba ka sorkar pdeng ne ka BJP Kam kwah satia ban ai namar ba ka hap pynksan ia la ka Jong ka Party ba ka lah ban ai namar ban pynkhlaiñ ia ka party lajong kaba don ha ka Bor la ha pdeng ne ha ki jylla.

Ka long kaba mynsaw ba na ka Liang u myntri Sorkar jylla na ka Seng BJP ban pynpaw bad ong ba Lada ki paidbah ka jylla ki pynjop kumba 33 ngut ki nongmihkhmat tang hapoh 5 minit lah ioh ILP hynrei Kan Jia aiu pat ha katei ka 5 minit ia ka jaidbynriew jongngi Lada ka BJP ka ioh synshar hi marwei.

Shuh shuh katei ka rukom kren jong u bah Shullai ka long ba baroh kito ki ar snem ba la iaid ka resolution ba mih na ka ing Dorbar thawaiñ bad ka jingiakhih ka Shu long na ka Liang ka BJP tang na jrong hynrei dei ka Seng BJP ha Meghalaya hi kaba Khang ia kane bad kaba pynshoi ia ka BJP  ban Kan ai ILP ynda ka BJP ha ka jylla ka ioh synshar namar Lada ka long doh longsnam ha ka Sorkar bym dei na ka juh bad ka Sorkar pdeng ka long lehnohei bad Ym don ba kheiñkor ia ka BJP ha Meghalaya pat hynrei ka BJP Meghalaya pat namar ka kwah ia ka burom bad ka Bor synshar ban buh thong (manifesto) hakhmat u paidbah na ka bynta ka election ban SA wan  bad ia ka Bor ban ioh synshar hi ha baroh kawei ka jylla marwei.

Nalor ba ka CAA ka lah iaid shakhmat bad Lada ka BJP ha Meghalaya ka ioh shisha ia ka Bor ha Shwa katei ka 5 minit ngi lah ban duh Noh Ruh ia ka 6 schedule bad ka jinglong rit paid bad jinglong riewlum jongngi Ruh ka duh lyngba ki aiñ wan buhai  shnong kiwei pat ki jaidbynriew.

Ym tang katta Lada ka BJP ka wan ha ka Bor synshar ha ka jylla jongngi ngi lah ban duh Noh Ruh ia ka Local Dorbar Administration Kum ki aiñ bad ki Bor shnong bad ka Sorkar BJP Kan pynduh Ruh ia ki katto katne ki aiñ Kum ka Land transfer, matrilineal, bad shibun ki aiñ ba Iada ia ka jaidbynriew ritpaid.

Bad ngi dei ban sngewthuh Shai Ruh ba ki ar ngut ki MLA ka Seng BJP Kim dei satia kiba Jop na ka kti Jong u Khasi ne u trai ri trai muluk.

Dei namar kata ka jingkren u bah Shullai ban pynioh ILP hapoh 5 minit ka dei ka buit rhah Bor bad ka Jing shah ialam bakla bad Shukor na ka Sorkar pdeng tang Kumno ban pyn kylla ia ka ri lum ri Khasi ba ittynad Sha ka jaka Jong ki poi ei shisngi.

KO ki paidbah ngi hap husiar bha bad ngi lah sngewthuh mynta Mano ba pynslem ia ka ILP bad kine ki long ki kruiñ ka jaidbynriew jongngi tang ban biang ka malade Kim pyrwa ia ki para ri namar ki lah im ja lupa na u Mynderi ki kloi shisien ka sngi ban shet kylla iangi.