Klun ei ki phareng ia ka jingtip shaphang ka jingrewspah bad jingdon jingem, jaituh palat ki geologist na jylla
 |
| Ka shyieng u Dinosaur ba 100 million snem na West Khasi hill |
Ka jylla bad ka ri Khasi Jaintia Jong ngi ka long kaba kynjang bha ban ia nujor bad kiwei ki jaka bad ka shong hajrong bha kaba bun ki jaka hi kiba dei naduh 1000-1900 ka Jing kynjang na sla duriaw (Altitude) kaba pynlong ia ka ba Kan don shibun ki jingdon jingem kiba rieh hapoh Jong ka.
Na kjat Jong ka ri Khasi Jaintia kaba dei ka duriaw bah ha ki million snem ba la leit ba lah Shem bad lap lyngba ki dak mrad duriaw bad ki dak bad shyieng mrad duriaw bad ryngkew (fossils) kiba shongdor naduh $150 haduh $6000 ka pisa bad tang ki dur ki dar ka Jong ki ka lah bit bha ka dor sa ka jingdro bad ki jingthoh (article) haduh ban ioh thoh ha ki kot ka lah long kawei na ki lad aikam aijam pynban khamtam ia kito ki briew kiba lah pyntbit jingpule na kine ki bynta.
Ha ki snem ba lah leit don ka jinglap jingshem wat ia ki shyieng ki Dinosaur (dinosaur fossils) bad shibun kiwei pat nga tharai ia kiba ki Khasi Kim lap hi dalade. Bad kine ki (fossils) ki long kiba rem bad kiba shongdor bha namar ki dei kiba lah rim bad kiba lah duh jait.
Shuh shuh don bun bha kita ki jingdon jingem kiba mangi ki Jaidbynriew ngim tip satia bad ngim ithuh hi Ruh ia Kum kita ki jingthaw ba kordor kiba dang sahdak bad kiba lah duh jait. Kum ki Krem pubon kiba bun bha ha kane ka jylla jongngi ki bym ngim pat lah satia ban dang batai bad don Ruh kibym pat lah ban tip bniah ki mih naei bad poi shaei Ruh bad don aiu Ruh ha katei ka Krem.
Ka jingwan hiar ki nongwei Sha kane ka jaka bad ka jylla jongngi na ka por Sha ka por ka long kaba ngi Da sngewsarong namar ngi ong ba ki dei ki ba wan jngohkai ne kita ki tourist naduh na USA, Italy, Australia, England, Canada, Russia yn nai ia kren ia kiba na ri India hi. Haoid ki don bun bha Ruh ki ba wan jngohkai hynrei bad ka jngohkai bad ka ioh jingtip bad ka lum jingtip ka jong ki lyngba ki project bapher bapher kiba ki pynkhreh na ka bynta ka Kam ka Jong ki bad ban pynbiang ia ki assignment na ka bynta ka pule puthi ka Jong ki bad na ka bynta ka Kam ka Jong ki.
Nalor kata lyngba ka Jong ki, ki lah ban pynmih ia ki kot bad ki dur bapher bapher shaphang ka jaka jongngi bad ban lap ia kita ki Krem kiba kumne kumtai, ia ka jingsngur ka um bad ia ka jingjur bha u slap ki Da lap bad lyngba ka jingsaphriang ka Jong ki ka long ka lad ioh Kam ia ki lyngba ki project ba ki lah Leh Sha kane ka jaka Jong ngi. Ka Jing paw ka jingkieng jri (living root bridge) kadei na ka Kam Jong ki phareng ba ki pyn saphriang ia ka jingtip kaba ki lum ha ka por ba ki wan Leh ia ki survey bad ki project.
Ngan iathuh ia phi Don shibun bha ki nongwei kiba wan jngohkai pyrthei Sha kane ka jylla bad Lada ngi kylli Kim ju iathuh ba ki wan na ka bynta ba kin leit jngoh bad leit wad ia ki jingshem ba phylla ha ki jaka bym pat don ba tur ( undiscovered place) hynrei ki Leh kumba ki dei tang kiba Shu jngohkai lahbiang bad ngin shem ia ka ia ka jinglong jingman bad jingdon jingem lah Kham tip bha Da ki phareng kiba wan na kylleng ka pyrthei ia kane ka jylla jongngi ban iangi.
Bad Ruh don shibun kiba ioh khusnam lyngba ka jingioh ka Jong ki ban tip shaphang ka jinglong kyrpang Jing ka jingshem jongki bad don ruh kiba Shu tuh ka jingtip ka jong ki shaphang ka ka ri Khasi jongngi bad ia kiwei pat ki jaka ki ritpaid riewlum Jong kiwei ki jylla.
Wat ia ka ksiar bad ki Mawlynnai Ruh don shibun ha kane ka ri jongngi bad ngin nym ia kren ia kito kiba lah dep Shem Kum u Urunium uba don ha kane ka jylla jongngi. Bad nalor kitei dang don shuh shibun kiei kiei kiba ym pat Shem lah twad ban leit jngoh ia ki jaka kiba bun ki bym pat don ba leit.
Ha jylla Jong ngi wat lah don bun bha ki Geologist bad ki geologist kiba dei na ka tnad Sorkar Ruh Kim ju patiaw eiei ban Leh eiei shaphang ka jaka Jong ki bad ia ka jylla baroh kawei hynrei tang Shu don kiba lap bad Shem khlem poipyrkhat ia ki mar ki mata ba lah sah Da ki Hajar snem mynshwa shata lut baroh baroh ki geologist na jylla jongngi ki leit ban ong ban ia leit wad hi ban trei shitom dalade Kim ju don. Nalor kata Ruh SA ban shim ei khlem siew eiei ia kito kiba Shem ka long thik Kum kito kiba Shu bam ei umsyep kiwei.
Balei nga thoh ia kane namar don shibun ki kot (ducomentary) ba lah thoh Da ki nongwei halor ki jinglong jingman ka Mariang ki jaka puta bad kaba rim Bajah (Geographical history) Jong ka jylla Meghalaya kiba lah thoh Da ki briew na shilliang duriaw. Bad nga kyntu ia ki stad Mariang ka jylla ba ki dei ban Khie thiah namar ka jingjaituh Jong ki ka pynduh nong ia ka pateng Jong ngi. ngim lah ban tip ba kine ki nongwei ki lah ioh shibun ki mar ba kordor, ki mar poh khyndew ki mar dak ba lah sah Da ki million snem mynshwa na kane ka jylla jongngi kiba lah Shu rah ei Da ki nongwei na kane ka jaka jongngi.
Namar kata ka daw ki mar ba na ka jylla nga kwah ba kin don ha ki Museum Jong ka jylla ym ban hap leit jngoh ia ka lajong Sha ka jaka kiwei.
.jpeg)
.jpeg)
Comments
Post a Comment