Lada dei kumba Ong u CM ka Sorkar ka dei ban pynduh kam ia ki pulit kiba Leh stad

Kumba lah pynbna Da u Myntri Rangbah ka jylla ba ka jingleit khynra Jong ki pulit Kam dei satia ba kin pyniap hynrei ba kin Kem  ia u bah Cheristerfield Thangkhiew na ka bynta ban tohkit ia ki jingjia kiba lah Leh Da ka Seng HNLC ha kine ki sngi Da kaba pynbthei bomb ha ki jaka paidbah bad kaba lah wanrah jingmynsaw ia ki katto katne.

Lada katei ka jingkren Jong u Myntri Rangbah ka jylla ka dei kaba shong nongrim kaba mut ki tnad Pulit kiba la Shu lehstad hi bad wat ban shim ia ka mynsiem briew ki lah dei ban shah pynduh kam. Bad Lada tang ia ka tari kin hap ban siat Noh kata Kam lah ban long ba haduh kane ka khyllipmat ki Pulit Kim pat lah ban pyni ia kita ki dak Tari kiba u bah Che u don bynta (genuine evidence) hynrei ynda haba lah khlad te shibun kiei kiei kiba ki Pulit ki lah ban pharep.

Bad kumba  Ong u Myntri Rangbah ka jylla u lah Ong ba ka dei ka jingtalasi ban Kem kamut ka Sorkar ka hap ban Kem bad ban pynshitom bad pynduh Kam shisyndon ia kito ki Pulit kiba donkti ban siat ia u bah Che namar Kim pat ioh bor ban siat bad ka Sorkar ka dei ban suspend ia baroh kito ki ba donkti namar ka jingleh stad bad ka jingshim ia ka Bor bad ka aiñ briew ha la ka jong ka kti pyrshah ia u briew u bym don dak eiei.

Na ka Liang ka Sorkar ka dei ban Kem bad Ruh ba ki dei ban siew bai lutksan ia ka ing ka sem u bah Che naduh ki jingjulor Jong ka ing u bah Che haduh ja jinglut jingsep kumba lah dawa Da ki bahaing Jong u bah Che.