LEIT SUK BAH CHE:

Hapdeng ka jingthiah pang ba jur,

Ha por shiteng synñia;

Shuwa ba sngi kan beh ï'u khlur,

Ha miet ba dum kynjah.

Mynba dang riew ki ñiangkynjah,

Shuwa u 'iar nyngkong;

Pyrthei lyngngai ka dang ïohthiah,

Hapdeng ki jingphohsniew.

Hapdeng kata ka khyllipmat ,

Jing jlew sur ba sngew ngiew;

'Riew thrang snam ba la kieng atiar,

Kim kheiñ ïa jingim briew.

Jingim kordor la bthat jubor,

Hakhmat ki khun ki kti;

Ah! Katno jingpaid dohnud,

Ah ko apot sepsngi.

Sorkar meinah, sorkar thombor,

B'la khlieh da u nongwei;

Ï'u paid Khasi ki wan thombor,

Ban pynjah na pyrthei.

Leit suk bah 'Che' sha dwar U Blei,

Junom to shong jah thait;

Jaitbynriew to nang pynehrngiew,

Na jinglongmraw ban lait.

            Carmel Fedrick Malngiang.