Pyrshah ka jaidbynriew baroh kawei ia ka jingsiat ki Pulit ia u bah Chesterfield

Ka long kaba lehraiñ ia ki pulit ka jylla Meghalaya Naba Kim dei kiba tbit bad kiba don ia ka jingtip ba bniah ba kumno ban lap dien ia kito kiba Leh ia ki Kam bymman khamtam ki Kam kiba ktah ia ka imlang sahlang kiba lah wat ban shim ia ka mynsiem briew ruh.

Imat kine ki Pulit ki bun kiba Shu thep Kam Da ki pisa tharai bad ki dei ki bym ler lypa bad Kim dei kiba lah ioh Da ka jing tbit (merit) ban ioh Kam bad ka lah ban dei tang na ka daw ka politics Naba phin peit ka jingtreikam ka jongki ka long ka bym I shngaiñ satia. Bad Ruh Kim long kiba treishitom bad ka jingtip Jong ki ka long kaba Duna haduh katta.

Shuh shuh katkum ka jingjia ba sngewsih mynne ka step 13 Tarik ka long ba ki Pulit haduh mynta ki sngi Kim tip bad Kim ithuh satia ia ki ehrang Jong ka Seng HNLC bad ki ithuh tang ia kiba lah dep pyndemwait hakhmat ka Sorkar. Bad u ba Kham paw eh bad uba dang Shu wan pyndem ha kine ki khyndiat snem u dei u bah Chesterfield Thangkhiew uba lah pyndem wait hakhmat ka Sorkar lyngba u Symbud Myntri Rangbah ka jylla u bah Prestone Tynsong Lem bad ki heh Pulit ka jylla ha u snem 2018 bad kyndit kynsan u lah shah siat noh khlem jingtohkit bad ki jingiakren mynne mynstep ka 13 Tarik u August 2021 ha ki Pulit kiba lah kynnoh ba u don kti ha katei ka Kam pynbthei bomb.

Ym tang katta ki Pulit Kim Shem lah wad ban Kem ia kita kiba donkti hynrei ki lah Kem nyngkong ia u bah Tenzing Khonglah une ruh uba dei uba lah pyndemwait hakhmat ka Sorkar lah bun snem bad ki lah kynnoh ia une ba u donkti ha katei ka Kam bad ka long kaei kaei bym lah ban pdiang namar ki Pulit ki Kem pynban ia kiba lah kylla kaba mut bad nalor katta ka lah mih Ruh ka jingpynshai bad ban jur na u Heh ka Seng HNLC lyngba ka Facebook account ka jong u ba kitei ki dei kiba lah pyndemwait(surrender) bad Kim dei shuh ki briew Jong ka Seng hynrei ka Seng ka pynpaw ba ki lah ban dei ki briew ki Pulit hi. Hynrei sngew lyngngoh pat kumno pat ki Pulit ki nud ban Leh ia katei Kam.

Ym tang katta Kam don jingmut Lada Jia ba ki ba lah pyndemwait ialade hakhmat ka Sorkar kin dang shah pharep bad pyndik pynsat man ka por nga tharai nangne shakhmat ka Seng Kan dang khlaiñ bad kito ki ba thmu ban pyndem wait Ruh tharai kin kynran dien noh namar Kam don satia ka shongshngaiñ ia kito kiba lah pyndem wait ruh ka sorkar Kan iai pyndik wat lada don kiwei pat kiba wanrah jingkulmar ruh.

Ia kane ka jingjia ha kane ka step phyrngap ka dei kaba pynlyngnoh ia ka ing ka sem Jong ubah Chesterfield bad ia ki bahaing  bahasem namar Kim poi pyrkhat ba Kan Jia kumne bad ka lah mih ka jingsawa na ki paidbah lyngba ki social media pyrshah ia ki pulit kiba Leh ia katei ka Kam bad shibun bha kiba pyrshah ia kane ka rukom Leh ka Sorkar. Ka Seng KSU, HYC ki lah pynpaw ia ka jingpyrshah bad ban dawa tohkit bniah ia katei ka Kam bad wat u MLA ka mawlai bad Mawkhar ki lah Pynrem jur bha ia kane ka jingjia. Shuh shuh na ka Liang ka Seng TUR bad ka nongialam ka CSWO bad ka STIEH Kala bynniaw halor katei ka kam Ruh ka lah pynpaw jingbitar pyrshah ia ki pulit kiba donkti ha katei ka Kam bad ban dawa ba kin tohkit ia katei ka Kam. Shibun ki paid nongshongshnong ka jylla ki lah bynniaw pyrshah ia ka Sorkar khamtam ia ki tnad Pulit kiba Da sngewkhaiñ eh haduh katta katta Kim tip pat ba u paidbah u Kham stad ban bishar bad ki lah Shu kynnoh tang ia ki surrender tang na ka daw ba ki kwah burom bad ba ki jaituh ban twad sani bha ia kaei kaba lah jia.