Pynkhihwin u Bah Sanbor ia ka ri baroh kawei khamtam ia ka BJP halor ka Doh Masi

Dang ha ki khyndiat taiew ba la dep na ka Liang u Bah Sanbor Shullai ba na ka Seng BJP uba lah bam smai Kum u myntri thymmai ka Sorkar MDA ka jylla Meghalaya kaba la ialam Da ka NPP Da kaba bujli Noh ha ka jaka u Bah Hek ban long myntri Jong ka sorkar.

Tang mar ia ioh long myntri na ka Liang u Bah Sanbor u lah pynpaw hakhmat ki nongthoh khubor ia ka jingkmen bad katto katne ki mat kiba ma u u dang trei hi na ka bynta u paidbah khamtam ia u duk bad u suk  ha kane ka por Jong ka khlam hynrei hadien kata ka lah don ka jingpynpaw Jong u ia ki nongshongshnong ka jylla ba ha ka jylla bad ka ri synshar paidbah ngi lah ban bam katba ngi mon  bad ngi dei ban bam doh Masi ban ia ka Dohsyiar, dohblang bad dohkha.

Kumta ka khubor ka lah her Sted wat shaduh Sha sepngi ka ri India bad khamtam lei ia ki jylla ba synshar ka BJP bad ki katto katne ki jaka ba don bun ki Hindu. Bun ki khubor ba paw ka ri ki lah pynmih lem ia katei ka jingkren Jong u namar ym ju don uwei Ruh u nongmihkhmat na ka Seng BJP ban kren lane ban ai mynsiem ia kiwei ban bam doh Masi.

Shuh shuh kat Kum ka twitter Jong kiba bun ki briew ka ri India ki lah pynpaw bad ka long pyrshah ia ka Hindu bad ia ka BJP ha katei ka rukom kren ne ai mynsiem namar ka BJP ka dang thaw lad kumno ban Khang die doh Masi bad ban shohdoh Masi bad Ruh haduh mynta ia Hindu u dang long sang haduh katta katta ban bam doh Masi namar ki kheiñ Kum ka kmie ia ka Masi. Pynban ha ka jylla Meghalaya u nongialam bad u nongmihkhmat na ka Seng BJP u Leh mar khongpong, kane ka dei ka jingkren Jong ki paidbah nongshongshnong ka ri India.

Ki briew ka jylla Karnataka, Uttar Pradesh bad ki katto katne ki briew bym tip ia ka jylla Jong ki ki lah pynsngew ba hangi ka long sang hynrei ha ka jylla Meghalaya pat ka long bang. Don kiba pynpaw ba ka long pyrshah ia ka Seng BJP ban mang bamdoh Masi bad u Sanbor u lah kren pyrshah ia la ka Jong ka party. Don Ruh kiba pynpaw Da kaba Ong.. "Cow is mummy in Karnataka and Yummy in Northeast" bad ki lah pynpaw Ruh ba ka long pyrshah ia ka Jing ngeit Jong ki Hindu pynban u BJP Minister ka Meghalaya pat u pynmih ia kane.

Hangne harum ki katto katne ki jingpynpaw Jong ki briew na kylleng ka ri India pyrshah ia ka Doh Masi.